Pushpa 2 Update:
ఈ ఏడాది భారీ అంచనాలతో ప్రేక్షకుల ముందుకు రాబోతున్న చిత్రం పుష్ప 2. డిసెంబర్ 5న ఈ సినిమా థియేటర్లలోకి రానుంది. అల్లు అర్జున్ హీరోగా నటించిన ఈ చిత్రానికి సుకుమార్ దర్శకత్వం వహించారు. పుష్ప 1 విజయం అందుకున్న తర్వాత, పుష్ప 2 లో మరింత ఆకట్టుకునే కథనం, హై ఓల్టేజ్ యాక్షన్ సన్నివేశాలు ఉంటాయని.. పుష్పరాజ్‌ను మరింత లోతుగా చూపించేలా ఉంటుంది అని టాక్ వినిపిస్తోంది.
ఈ చిత్రంలో కథ కొత్త మలుపులు తీసుకుని పుష్ప 3 కోసం హింట్ ఇస్తారని సమాచారం. బాహుబలి కథలో “కట్టప్ప బాహుబలిని ఎందుకు చంపాడు?” అనే ప్రశ్న ప్రేక్షకులను ఎంతగానో ఆకట్టుకున్నట్లు, పుష్ప 2 క్లైమాక్స్‌లో కూడా ఓ ప్రముఖ నటుడి వాయిస్ వినిపించి, ప్రేక్షకులను ఉత్కంఠకు గురిచేసేలా ఉంటుందట. ఈ సినిమా ముగింపులో వచ్చే కీలక పాత్ర కోసం ఒక ప్రముఖ నటుడు నటించనున్నట్లు ప్రచారం జరుగుతుండగా, ఈ నటుడు ఎవరో మాత్రం ఇప్పటివరకు రహస్యంగా ఉంచారు.
పుష్ప 2 చిత్రబృందం ప్రస్తుతం షూటింగ్ ముగింపు దశలో ఉండగా, నవంబర్ 4న ఓ ఐటెమ్ సాంగ్ షూట్ మొదలు పెట్టాలని ప్లాన్ చేశారు. అల్లు అర్జున్, సుకుమార్ కాంబినేషన్‌లో వచ్చిన మొదటి భాగం దేశవ్యాప్తంగా ఎంత పెద్ద విజయం సాధించిందో అందరికీ తెలిసిందే. ఈ సీక్వెల్ అందుకు తగ్గట్లుగా ప్రేక్షకుల అంచనాలను మించి సరికొత్త ఎంటర్టైన్‌మెంట్‌ను అందించాలని చిత్రబృందం కృషి చేస్తోంది.
బాక్సాఫీస్ వద్ద కూడా పుష్ప 2 సంచలన విజయాన్ని సాధించి, అన్ని రికార్డులను బ్రేక్ చేసే అవకాశాలు ఉన్నాయని సినీ వర్గాలు భావిస్తున్నాయి. పుష్పరాజ్ పాత్రలో ఉండే అన్ని హైలైట్ సన్నివేశాలు, యాక్షన్ ఎలిమెంట్స్ ప్రేక్షకులను థియేటర్లలో ఉర్రూతలూగించేలా ఉంటాయట.
ALSO READ: Raja Saab సినిమా కథ లీక్ అయ్యిందా?
