SSMB29 release date:
సూపర్ స్టార్ మహేష్ బాబు, మాస్టర్ స్టోరీటెల్లర్ రాజమౌళి కలయికలో వస్తున్న SSMB29 సినిమాపై భారీ అంచనాలు నెలకొన్నాయి. ఆఫిషియల్ టైటిల్ ఇప్పటికీ బయటకు రాకపోయినా, అభిమానుల్లో క్రేజ్ మాత్రం ఆకాశాన్ని తాకేస్తోంది. ప్రస్తుతం ఇది SSMB29 అనే వర్కింగ్ టైటిల్‌తో కొనసాగుతోంది.
రూ.1000 కోట్ల బడ్జెట్‌తో తెరకెక్కుతున్న ఈ మూవీకి, కథను విజయేంద్ర ప్రసాద్ అందిస్తున్నారు. సంగీతాన్ని ఎమ్.ఎమ్.కీరవాణి కంపోజ్ చేస్తున్నారు. హీరోయిన్‌గా బాలీవుడ్ బ్యూటీ ప్రియాంకా చోప్రా, విలన్‌గా మలయాళ స్టార్ పృథ్వీరాజ్ సుకుమారన్ నటిస్తున్నారు. ఈ సినిమా ఒక జంగిల్ అడ్వెంచర్ థ్రిల్లర్ కానుంది అని సమాచారం.
ఇప్పుడు హాట్ టాపిక్ ఏమిటంటే – SSMB29 రిలీజ్ డేట్! ఇండస్ట్రీ టాక్ ప్రకారం ఈ సినిమాను 2027 మార్చి 25న విడుదల చేయాలనే ఆలోచనలో ఉన్నారట. అదే రోజున 2022లో రాజమౌళి దర్శకత్వంలో వచ్చిన RRR రిలీజ్ అయ్యింది. ఆ తేదీకి గుడ్ ఫ్రైడే, ఉగాది, రామ నవమి హాలిడేస్ కూడా వస్తుండటంతో రిలీజ్‌కు పెర్ఫెక్ట్ డేట్‌గా భావిస్తున్నారు.
ఇక మహేష్ బాబు విషయానికొస్తే… ఆయన సోషల్ మీడియాకు దూరంగా ఉంటూ, శాంతిగా తన పాత్ర కోసం స్పెషల్ స్కిల్స్ నేర్చుకుంటూ ఉన్నారట. షూటింగ్ మొదలైందన్నప్పటికీ, ఇంకా అధికారికంగా ఏ అప్డేట్ ఇవ్వలేదు టీమ్.
అయితే ఫ్యాన్స్ మాత్రం ఓ రోజు కోసం ఎదురు చూస్తున్నారు – మే 31. అదే మహేష్ తండ్రి, లెజెండరీ నటుడు కృష్ణ గారి జయంతి. ఆ రోజు స్పెషల్ అప్డేట్ వస్తుందని చాలామంది ఆశిస్తున్నారు.
