Prabhas Fauji Update:
పాన్-ఇండియన్ స్టార్ ప్రభాస్, సెన్సిబుల్ డైరెక్టర్ హను రాఘవపుడితో కలిసి చేస్తున్న తాజా చిత్రం Fauji ప్రస్తుతం టాలీవుడ్‌లో హాట్ టాపిక్‌గా మారింది. పీరియాడిక్ డ్రామాగా ఉండే ఈ చిత్రం యాక్షన్, రొమాన్స్‌ కి పెద్ద పీట వేసినట్టు ఉంటుంది అని టాక్. గత నెలలో ఈ సినిమా ఘనంగా లాంచ్ కాగా, మధురైలో ఇటీవల రెగ్యులర్ షూట్ ప్రారంభమైంది.
ప్రస్తుతం చిత్ర యూనిట్ ప్రభాస్ లేకుండా మిగతా ఆర్టిస్టులతో కొన్ని సన్నివేశాలను మధురైలో చిత్రీకరిస్తోంది. ఈ షెడ్యూల్ ఒక వారం పాటు కొనసాగనుంది. ప్రభాస్ ప్రస్తుతం మారుతి దర్శకత్వంలో తెరకెక్కుతున్న రాజా సాబ్ షూట్‌లో బిజీగా ఉన్నారు. రాజా సాబ్ పూర్తి చేసిన తరువాత మాత్రమే ప్రభాస్ ఫౌజీ షూట్‌లో జాయిన్ కాబోతున్నారు.
ఈ చిత్రం 1945 సంవత్సరం బ్యాక్ డ్రాప్ లో పీరియాడిక్ డ్రామాగా ప్రేక్షకులు ముందుకు రాబోతుంది. ఇందులో ప్రభాస్ బ్రిటిష్ ఆర్మీ సైనికుడి పాత్రలో కనిపించనున్నారు. ఇటీవల ప్రభాస్ ఫోటోషూట్ కూడా పూర్తయ్యింది. ప్రభాస్ లుక్ కూడా ఫైనల్ అయ్యింది. దసరా సందర్భంగా ఈ సినిమాకు సంబంధించిన ఫస్ట్ లుక్ రిలీజ్ అవుతుందనే పుకార్లు వినిపిస్తున్నాయి.
Read More: Rana తో దుల్కర్ సల్మాన్ కి ఈగో ప్రాబ్లమ్స్?
ఇది కాకుండా, బాలీవుడ్ వెటరన్ నటుడు మిథున్ చక్రబర్తీ కూడా ఈ సినిమాలో కీలక పాత్రలో కనిపించనున్నారు. ఆయన ప్రభాస్ తండ్రి పాత్రను పోషించబోతున్నారు. హీరోయిన్‌గా ఇమాన్వీ నటిస్తుండగా, విశాల్ చంద్రశేఖర్ ఈ చిత్రానికి సంగీతాన్ని అందిస్తున్నారు. భారీ బడ్జెట్‌తో తెరకెక్కుతున్న ఈ చిత్రాన్ని మైత్రి మూవీ మేకర్స్ నిర్మిస్తున్నారు. ఈ సినిమా కోసం భారీ సెట్స్‌ను నిర్మించి, చిత్రీకరణ జరుపుతున్నారు.
