Sankranthi 2025 Movies:
2025 సంక్రాంతి కోసం మామూలు ప్రజల సంగతి ఏమో కానీ సినీ ప్రేమికులు మాత్రం ఎంతో ఆసక్తిగా ఎదురుచూస్తున్నారు. దానికి కారణం వచ్చే ఏడాది సంక్రాంతి సందర్భంగా విడుదల కాబోతున్న భారీ బడ్జెట్ స్టార్ హీరో సినిమాలు. ఈ సారి బాక్సాఫీస్ వరుస పెద్ద సినిమాలతో దద్దరిల్లబోతుంది. ఈ సంక్రాంతి కానుకగా వస్తున్న సినిమాలు ఏంటో ఒకసారి చూద్దాం.
విశ్వంభర:
మెగాస్టార్ చిరంజీవి నటిస్తున్న సోషియో ఫాంటసీ చిత్రం విశ్వంభర కూడా వచ్చే ఏడాది సంక్రాంతి సీజన్‌లో విడుదల కానుంది. వశిష్ట దర్శకత్వం వహించిన ఈ చిత్రం జనవరి 10, 2025న విడుదల కానుంది. ఈ సినిమా చిరంజీవి కెరియర్ లోనే భారీ బడ్జెట్ ప్రాజెక్ట్‌లలో ఒకటి. 100 కోట్ల బడ్జెట్‌తో యూవీ క్రియేషన్స్ ఈ సినిమాను నిర్మిస్తోంది.
శతమానం భవతి 2:
2017లో విడుదలైన సూపర్ హిట్ సినిమా శతమానం భవతి కు సీక్వెల్ గా శతమానం భవతి నెక్స్ట్ పేజ్ కూడా సంక్రాంతి 2025లో థియేటర్లలోకి రానుంది. సతీష్ వేగేశ్న దర్శకత్వంలో, దిల్ రాజు నిర్మించిన ఈ సినిమా ఫ్యామిలీ ఎలిమెంట్స్ మీద నడుస్తుంది. ఈ సినిమా సీక్వెల్ కి హరి స్క్రిప్ట్ రాయగా, దిల్ రాజు ఈ సారి కూడా ఈ చిత్రాన్ని నిర్మిస్తున్నారు.
అఖండ 2:
అఖండ సినిమా బాక్సాఫీస్ వద్ద అఖండ విజయాన్ని సాధించిన సంగతి తెలిసిందే. ఈ చిత్రానికి సీక్వెల్‌గా అఖండ 2 కూడా ఇప్పుడు రెడీ అవుతోంది. బాలకృష్ణ – బోయపాటి శ్రీను కాంబో లో తెరకెక్కనున్న ఈ సినిమా కూడా వచ్చే ఏడాది సంక్రాంతి సీజన్‌లో విడుదలకు సిద్ధం అవుతోంది.
బంగార్రాజు 2:
కింగ్ నాగార్జున కెరియర్ లో 100వ చిత్రం గా బంగార్రాజు 2025లో ప్రేక్షకుల ముందుకు రాబోతున్నారు. అధికారికంగా ఇంకా వివరాలు వెల్లడి కాలేదు కానీ “లవ్ యాక్షన్ రొమాన్స్” అనే చిత్రంపై ప్రచారం జరుగుతోంది. మరింతగా, “బంగార్రాజు” సీక్వెల్ కూడా ఈ కాలంలో విడుదలయ్యే అవకాశాలు ఉన్నాయి.
గుడ్ బ్యాడ్ అగ్లీ:
కోలీవుడ్ స్టార్ నటుడు అజిత్ కుమార్ హీరోగా నటిస్తున్న గుడ్ బ్యాడ్ అగ్లీ అనే యాక్షన్ థ్రిల్లర్ చిత్రం సంక్రాంతి సందర్భంగా విడుదల కానుంది. అదిఖ్ రవిచంద్రన్ దర్శకత్వం వహిస్తున్న ఈ చిత్రాన్ని మైత్రీ మూవీ మేకర్స్ వారు ప్రతిష్టాత్మకంగా నిర్మిస్తున్నారు. దేవి శ్రీ ప్రసాద్ ఈ సినిమాకి సంగీతం అందిస్తున్నారు.
థగ్ లైఫ్:
కమల్ హాసన్, మణిరత్నం సంయుక్తంగా నిర్మిస్తున్న యాక్షన్ డ్రామా “థగ్ లైఫ్” కూడా సంక్రాంతి 2025లో విడుదల కానుంది. ఈ చిత్రంలో కమల్ హాసన్ మూడు విభిన్న పాత్రల్లో నటిస్తారు. త్రిష ప్రధాన నాయికగా నటిస్తోంది. ఈ సినిమా విడుదల తేదీ గురించి ఇంకా క్లారిటీ రావాల్సి ఉంది.
