Vishwambhara Update:
వరుస డిజాస్టర్ లతో సతమతమవుతున్న మెగాస్టార్ చిరంజీవి.. ఈ మధ్యనే మెహర్ రమేష్ దర్శకత్వంలో నటించిన భోళా శంకర్ సినిమాతో.. మరొక డిజాస్టర్ తన ఖాతాలో వేసుకున్నారు. ఇక మెగా అభిమానులు అందరూ ప్రస్తుతం తమ ఆశలన్నీ.. విశ్వంభర సినిమా పైనే పెట్టుకున్నారు. బింబిసారా వంటి హిట్ సినిమాతో.. ఇండస్ట్రీలోకి అడుగుపెట్టిన మల్లిడి వశిష్ట.. ఈ సినిమాకి దర్శకత్వం వహిస్తున్నారు.
ఈ సినిమాపై భారీ అంచనాలు నెలకొన్నాయి. తాజా సమాచారం ప్రకారం ఈ సినిమాకి సంబంధించిన రెండు పాటలు, క్లైమాక్స్ షూటింగ్ మాత్రం ఇంకా పెండింగ్లో ఉన్నాయి. ఆ రెండు పాటలలో ఒకటి మెగాస్టార్ చిరంజీవి ఇంట్రడక్షన్ సాంగ్ అని తెలుస్తోంది. త్వరలోనే ఈ పాట షూటింగ్ జరగబోతోంది. అనిల్ అరసు ఈ సినిమా క్లైమాక్స్ ఫైట్ ని చాలా డిఫరెంట్ గా చిత్రీకరిస్తున్నట్లు సమాచారం.
అయితే చిత్ర దర్శక నిర్మాతలు త్వరలో.. షూటింగ్ పూర్తి చేయాలని ప్లాన్ చేస్తున్నారట. షూటింగ్ పనులు ఒక కొలిక్కి వస్తే చిత్ర బృందం అర్జెంటుగా సినిమాకి సంబంధించిన విజువల్ ఎఫెక్ట్స్ ను మొదలు పెట్టాల్సి ఉంది. ఎందుకంటే ఈ సినిమాలో భారీ విజువల్ ఎఫెక్ట్స్ ఉండబోతున్నాయట. ఆ పని మొత్తం పూర్తవడానికి కనీసం 6 నెలల సమయం పడుతుందని తెలుస్తోంది.
ఆరు నెలల సమయం కేవలం విజువల్ ఎఫెక్ట్స్ కోసమే అంటే గ్రాండ్ గా ఉండబోతున్నాయి అని చెప్పుకోవచ్చు. పైగా వచ్చే ఏడాది సంక్రాంతికి ఈ సినిమాని విడుదల చేయాలి. కాబట్టి అనుకున్న షెడ్యూల్ ప్రకారమే షూటింగ్ పూర్తి చేయాల్సి ఉంటుంది.
స్టాలిన్ సినిమాలో చిరంజీవి పక్కన హీరోయిన్గా నటించిన త్రిష కృష్ణన్ ఇన్నాళ్ల తర్వాత మళ్లీ చిరంజీవి సరసన ఈ సినిమాలో హీరోయిన్ గా కనిపించనుంది. వచ్చేనెల 22వ తేదీన చిరంజీవి పుట్టినరోజు సందర్భంగా సినిమాకి సంబంధించిన టీజర్ విడుదల చేయాలని చిత్ర బృందం ప్లాన్ చేస్తోంది. ఇంకా ఒకటి రెండు షెడ్యూల్స్ లో చిత్ర బృందం సినిమా షూటింగ్ కూడా పూర్తి చేయబోతోంది.
