ప్రముఖ నటుడు క‌మ‌ల్ హాస‌న్ .. డైరెక్టర్‌ శంకర్ కాంబోలో తెర‌కెక్కి.. తాజా చిత్రం ‘ఇండియన్ 2’. బ్లాక్ బాస్ట‌ర్ హిట్టుగా నిలిచిన భారతీయుడుకు సీక్వెల్‌గా వ‌స్తోంది. ప‌లు కార‌ణాల వ‌ల్ల వాయిదా ప‌డుతూ వ‌చ్చిన ఈ సినిమా షూటింగ్ ఫైన‌ల్‌గా రీస్టార్ట్ అయింది. క‌మ‌ల్ హాస‌న్ అండ్ టీం అదిరిపోయే లుక్‌తో కొత్త అప్డేట్ ఇచ్చింది. ‘ఇండియన్ 2’ మూవీ రెగ్యుల‌ర్ షూటింగ్ ఇవాళ మొద‌లైంది. కొత్త పోస్ట‌ర్ విడుదల చేస్తూ ఈ అప్డేట్ ఇచ్చారు మేక‌ర్స్. చెన్నైలోని ప‌ర్రీస్ కార్న‌ర్‌కు స‌మీపంలో వేసిన భారీ సెట్టులో షూటింగ్ జ‌రుగనుంద‌ని కోలీవుడ్ స‌ర్కిల్ టాక్‌.
లీడ్ యాక్ట‌ర్లు కాజ‌ల్ అగ‌ర్వాల్, బాబీ సింహాపై వ‌చ్చే సీన్ల‌ను చిత్రీక‌రించ‌నున్నార‌ట. వీరితోపాటు సిద్దార్థ్ కూడా సెట్స్‌లో జాయిన్ కాబోతున్న‌ట్టు స‌మాచారం. సెప్టెంబ‌ర్ 5 నుంచి క‌మ‌ల్ హాస‌న్ షూట్‌లో జాయిన్ కానున్నాడు. ఈ సినిమాలో ర‌కుల్ ప్రీత్ సింగ్, ప్రియా భ‌వానీ శంకర్, స‌ముద్ర‌ఖ‌ని ఇత‌ర కీలక పాత్రల్లో నటిస్తున్నారు. లైకా ప్రొడ‌క్ష‌న్స్ తో క‌లిసి రెడ్ జియాంట్ మూవీస్ పై ఉద‌య‌నిధి స్టాలిన్‌-సుభాస్క‌ర‌న్ నిర్మిస్తున్న ఇండియన్ 2 ఇప్ప‌టికే 70 శాతం షూటింగ్ పూర్తి చేసుకుంది. ఈ చిత్రానికి అనిరుధ్ ర‌విచంద‌ర్ సంగీతం అందిస్తున్నారు.
Filming for #Indian2 from September. Wishing team @shankarshanmugh , #Subaskaran , @LycaProductions and everyone else involved a successful journey.
Welcome onboard thambi @Udhaystalin @RedGiantMovies_ https://t.co/iCbBZFX8X4 pic.twitter.com/uKInYMy15W— Kamal Haasan (@ikamalhaasan) August 23, 2022
