ఇలియానా.. బాలీవుడ్‌ కండల వీరుడు సల్మాన్‌ఖాన్‌కు నో చెప్పారట. ఈ విషయాన్ని ఇలియానానే స్వయంగా చెప్పారు. ‘దేవాదాస్‌’, ‘పోకిరి’, ‘కిక్‌’ చిత్రాల్లో నటించి తెలుగు ప్రేక్షకుల హృదయాలను కొల్లగొట్టిన ఈ భామ.. ఆ తర్వాత కొన్ని బాలీవుడ్‌ చిత్రాల్లో కూడా నటించారు. తాజాగా ఆమె నటించిన బాలీవుడ్‌ చిత్రం ‘పాగల్‌పంతీ’. ఇటీవల విడుదలైన ఈ చిత్రానికి ప్రేక్షకుల నుంచి మిశ్రమ స్పందన లభించింది. ఈ నేపథ్యంలో ఇలియానా తాజాగా ఓ ఆంగ్ల పత్రికతో ముచ్చటించారు. సల్మాన్‌ ఖాన్‌ నటించిన ‘వాంటెడ్‌’, ‘కిక్‌’ సినిమాల్లో నటించాలని మొదట తనను అడిగారట. కాకపోతే ఆ సమయంలో తాను వేరే చిత్రాలతో బిజీగా ఉండడం వల్ల సల్మాన్‌ చిత్రాలకు నో చెప్పానని చెప్పుకొచ్చారు. అయితే ఇలియానా నో చెప్పిన రెండు చిత్రాలు కూడా తెలుగు చిత్రాలకు రీమేక్‌లు కావడం విశేషం.
సల్మాన్‌ఖాన్‌కు నో చెప్పిన ఇలియానా
