టాలీవుడ్‌లో వినూత్నమైన కథా కథనాలతో వస్తున్న చిత్రం ”IIT కృష్ణమూర్తి”. పృథ్వీ దండమూడి – మైరా దోషి ప్రధాన పాత్రల్లో నటిస్తున్న చిత్రం ”IIT కృష్ణమూర్తి”. కార్పొరేట్ క్రైమ్ థ్రిల్లర్ గా రూపొందిన ఈ చిత్రం ద్వారా శ్రీవర్ధన్ దర్శకుడిగా పరిచయమవుతున్నాడు. అమెజాన్ ప్రైమ్ వీడియోలో డిసెంబర్ 10న ఈ సినిమా రిలీజ్‌ కానుంది. ఇటీవలే ఈ చిత్రం నుంచి ‘మేఘంతో మేఘం మురిసే..’ అనే పాటను విడుదలైయింది. ఈనేపధ్యంలో తాజాగా ‘ఐఐటీ కృష్ణమూర్తి’ మూవీ ట్రైలర్ ని విడదల చేశారు. టాలీవుడ్ స్టార్ డైరెక్టర్ హరీష్ శంకర్ ఈ ట్రైలర్ ని ఆవిష్కరించాడు.ఈ మూవీ ట్రైలర్ ఆధ్యంతం ఆసక్తికరంగా.. సినిమాపై మరింత ఆసక్తిని పెంచేలా ఉంది. ప్రేమ్ కుమార్ పాత్ర సమర్పిస్తున్న ఈ చిత్రాన్ని క్రిస్టోలైట్ మీడియా క్రియేషన్స్ బ్యానర్ పై ప్రసాద్ నేకూరి నిర్మిస్తున్నారు. అనిల్ కుమార్.పి ఎడిటింగ్ వర్క్ చేశారు. ఇందులో వినయ్ వర్మ – భారతి ఆనంద్ – బెనర్జీ – కమెడియన్ సత్య తదితరులు నటించారు.
