మెగా పవర్‌ స్టార్‌ రామ్‌చరణ్ హీరోగా .. శంకర్ డైరెక్షన్‌లో ఒక సినిమా రానున్న సంగతి తెలిసిందే. దిల్ రాజు నిర్మిస్తున్న ఈ సినిమా, పాన్ ఇండియా స్థాయిలో విడుదల కానుంది. ఇప్పటికే ఈ సినిమా 50 శాతానికి పైగా చిత్రీకరణను జరుపుకుంది. ఈ సినిమాలో కియారా అద్వాని హీరోయిన్‌గా నటించనుంది. చరణ్ జోడీగా ఆమె కనిపించనుండటం ఇది రెండోసారి.
అయితే తాజా సమాచారం ఈ సినిమాలో మరో బాలీవుడ్ భామ ‘హుమా ఖురేషి’ ను ఎంపిక చేసినట్లు తెలుస్తుంది. ఈ సినిమాలో ఒక కీలకమైన .. పవర్ఫుల్ పాత్రకి గాను ఆమెను తీసుకున్నారని అంటున్నారు. ఒక రాజకీయనాయకురాలి పాత్రలో ఆమె కనిపించే అవకాశాలు ఎక్కువని అంటున్నారు. ఆమె పాత్రను శంకర్ డిజైన్ చేసిన తీరు సినిమాకి హైలైట్ గా నిలుస్తుందని వినికిడి.
బాలీవుడ్ లో ఒక ప్రత్యేకమైన ఇమేజ్ హుమా ఖురేషి కి ఉంది. అలాగే తమిళనాట కూడా ఆమెకి మంచి గుర్తింపు ఉంది. రజనీ ‘కాలా’ .. అజిత్ ‘వలిమై’ సినిమాలతో అక్కడ ఆమె పాప్యులర్ అయింది. చరణ్ సినిమాతో ఆమె తెలుగు ప్రేక్షకులకు చేరువయ్యే అవకాశాలు పుష్కలంగా ఉన్నాయి. వచ్చే ఏడాదిలో ఈ సినిమా ప్రేక్షకుల ముందుకు రానుంది.
