Thandel Update:
నాగచైతన్య హీరోగా త్వరలో ప్రేక్షకుల ముందుకు రాబోతున్న సినిమా తండెల్. ఈ సినిమా ఇప్పుడు అందరి దృష్టిని ఆకర్షిస్తోంది. ఈ సినిమాలో సాయి పల్లవి హీరోయిన్గా నటించింది. గతంలో నాగచైతన్య, సాయి పల్లవి కలిసి లవ్ స్టోరీ అనే సినిమాలో నటించారు. ఆ సినిమా బ్లాక్ బస్టర్ అయిన సంగతి తెలిసిందే.
తాజాగా ఇప్పుడు వెంకట్ ప్రభు దర్శకత్వంలో ఈ జంట మళ్ళీ ప్రేక్షకుల ముందుకు రానుంది. అయితే ఈ సినిమా గురించి అప్డేట్స్ కోసం ఆసక్తిగా ఎదురుచూస్తున్న ఫ్యాన్స్ కి ఇప్పుడు ఒక వార్త ఎదురైంది. సినిమాలో ఉండే ఒక పాట గురించి ఒక ఆసక్తికరమైన అప్డేట్ ఇప్పుడు సోషల్ మీడియాలో వైరల్ గా మారింది.
సినిమా పల్లెటూరి బ్యాక్ డ్రాప్ లో నడుస్తుంది అని అందరికీ తెలిసిన విషయమే. అయితే సినిమాలో ఒక జాతర పాట ఉంటుందట. ఈ పాట కోసం చిత్ర యూనిట్ 65 మంది కళాకారులను ప్రత్యేకంగా శ్రీకాకుళం నుంచి తీసుకువచ్చారు అని టాక్. అయితే షాకింగ్ విషయం ఏమిటి అంటే.. ఈ పాటలో 900 మందికి పైగా డ్యాన్సర్లు కమ్ జూనియర్ నటులను కూడా తీసుకున్నారట.
ఈ పాటను మరింత ప్రత్యేకంగా మార్చేందుకు చిత్ర బృందం బాగా ప్లాన్ చేస్తోందట. ఈ పాట చిత్రీకరణ కోసం ఇప్పటికే భారీ సెట్ వేసి, ప్రత్యేకంగా ఏర్పాట్లు చేశారు. నిర్మాతలు కూడా ఈ పాటపై విపరీతంగా ఖర్చు పెట్టటారట. ఈ పాటలో విజువల్స్, డ్యాన్స్ మూమెంట్స్ అన్నీ ప్రేక్షకులను ఆకట్టుకునేలా పక్కా ప్లాన్ చేశారు.
