సూపర్ స్టార్ కృష్ణ మనవడు.. మహేష్ బాబు మేనల్లుడు.. ఏంపీ జయదేవ్ గల్లా తనయుడు అశోక్ గల్లా టాలీవుడ్‌లో హీరోగా ఎంట్రీ ఇస్తున్న సంగతి తెలిసిందే. యంగ్ డైరెక్టర్ శ్రీరామ్ ఆదిత్య తెరకెక్కిస్తున్న ఈ చిత్రానికి ‘హీరో’ అనే టైటిల్ ఫిక్స్‌ చేశారు. తాజాగా ఈ విషయాన్ని వెల్లడించిన మహేష్ బాబు.. సినిమాకి సంబంధించిన టైటిల్ టీజర్ ను విడుదల చేశారు. ‘అశోక్ నీ ఫస్ట్ సినిమా టైటిల్ ను లాంచ్ చేయడం కంటే సంతోషమైనది లేదు. టీజర్ చాలా ఆసక్తికరంగా ఉంది. #HERO ప్రయాణం ప్రారంభమవుతుంది” అని ట్వీట్ చేసిన మహేష్ చిత్ర బృందానికి విషెస్ అందించారు.
ఈ టీజర్ ప్రేక్షకులను ఆకట్టుకుంటుంది. నిధి అగర్వాల్ ఈ సినిమాలో హీరోయిన్‌గా నటిస్తుంది. అశోక్ హ్యాండ్సమ్ గా కనిపిస్తున్నారు. ఈ చిత్రంలో జగపతిబాబు, నరేష్, కౌశల్యా, వెన్నెల కిశోర్, సత్య, అర్చన సౌందర్య, మైమ్ గోపి, అజయ్ ప్రభాకర్ ఇతర పాత్రలు పోషిస్తున్నారు. సూపర్ స్టార్ కృష్ణ, గల్లా అరుణకుమారి సమర్పణలో ఈ సినిమా రూపొందుతోంది. అమర్ రాజా మీడియా అండ్ ఎంటర్టైన్మెంట్ బ్యానర్ పై పద్మావతి గల్లా ఈ చిత్రాన్ని నిర్మిస్తున్నారు.
