టాలీవుడ్‌ సీనియర్‌ నటుడు రాజశేఖర్ గరుడవేగ సినిమా తరువాత చేస్తున్న చిత్రం ‘కల్కి’. ఈ సినిమా షూటింగ్ శెరవేగంగా జరుగుతున్నది. ఇది కూడా థ్రిల్లర్ నేపథ్యంలో తెరకెక్కుతున్నది. ఈ సినిమా షూటింగ్ సమయంలో రాజశేఖర్ గాయపడినట్టుగా సమాచారం. భుజానికి గాయం అయినప్పటికీ రాజశేఖర్ షూటింగ్ కంప్లీట్ చేశారని అనంతరం హాస్పిటల్ కు వెళ్లారని మూవీ యూనిట్ ద్వారా తెలుస్తున్నది.
షూటింగ్ స్పాట్ లో గన్ ఫైరింగ్ కు సంబంధించిన సీన్స్ తెరకెక్కిస్తున్న సమయంలో ఈ సంఘటన జరిగినట్టుగా తెలుస్తుంది. ఈ సినిమాను సి కళ్యాణ్ నిర్మిస్తున్నారు. ప్రశాంత్ వర్మ దర్శకత్వం వహిస్తున్నారు. 1980 ప్రాంతంలో జరిగే కథతో ఈ సినిమాను తెరకెక్కిస్తున్నారు.
