నేచురల్‌ స్టార్ నాని తన కుమారుడు అర్జున్‌తో సరదగా ఆడుకుంటున్న ఫొటోలను నాని తరచూ సోషల్‌ మీడియాలో షేర్‌ చేస్తుంటాడు. ఈ నేపథ్యంలో తాజాగా తనయుడుతో నాని ఆడుకుంటున్న క్యూట్‌ వీడియోను ట్విటర్‌లో షేర్‌ చేశాడు. నాని బెడ్‌పై పడుకుని ఉండగా.. అర్జున్‌ తండ్రిపై కుర్చుని మీసంతో ఆడుకుంటున్నాడు.
తండ్రి(నాని) మీసాలను పట్టుకుని అర్జున్‌ నిమిరుతూ ఉంటే నాని ‘నాపేరు ఎంటో తెలుసా?’ అని కొడుకుని అడుగుతాడు. ఇందుకు అర్జున్‌ తెలుసు అంటూ శ్యామ్‌ సింగరాయ్‌ అని సమాధానం ఇచ్చాడు. ఆ తర్వాత లయన్‌ లాగా ఉన్నావు నాన్న. అంటూ మీసాలను నిమిడుతూ ఉంటాడు. ప్రస్తుతం ఈ క్యూట్‌ వీడియో సోషల్‌ మీడియాలో వైరల్‌ అవుతోంది. తండ్రి కొడుకులు ఇలా సరదాగా ఆడుకోవడం చూసి నెటిజన్లు మురిసిపోతున్నారు.
నాని హీరోగా నటించిన ‘శ్యామ్‌ సింగరాయ్‌’ షూటింగ్‌ను పూర్తి చేసుకుని విడుదలకు సిద్దంగా ఉంది. ఈ నేపథ్యంలో నాని మూవీ ప్రమోషన్‌తో బిజీగా ఉన్నాడు. ఈ సినిమాలో సాయి పల్లవి, కృతిశెట్టిలు హీరోయిన్లుగా నటిస్తున్నారు. ఈ మూవీ డిసెంబర్‌ 24న ప్రేక్షకుల ముందుకు రాబోతోంది.
Lion la vunnavu Nanna 😉#ShyamSinghaRoy pic.twitter.com/OwKZFzJXcL
— Nani (@NameisNani) December 20, 2021
