టాలీవుడ్‌ యంగ్‌ హీరో నాగశౌర్య తాజాగా లవ్ స్టోరీతో ప్రేక్షకుల ముందుకు రావడానికి ఆయన సిద్ధమవుతున్నాడు. ఈ నేపథ్యంలో ఆయన తదుపరి సినిమా పట్టాలెక్కింది. సుధాకర్ చెరుకూరి నిర్మిస్తున్న ఈ సినిమా కొంతసేపటి క్రితం పూజా కార్యక్రమాలను జరుపుకుంది. రాఘవేంద్రరావు క్లాప్ ఇవ్వగా .. శ్రీకాంత్ ఓదెల కెమెరా స్విచ్చాన్ చేయగా ముహూర్తపు సన్నివేశాన్ని చిత్రీకరించారు. ‘లవ్ స్టోరీ’ సినిమాతో మంచి పేరు తెచ్చుకున్న పవన్ సీహెచ్ సంగీతాన్ని సమకూర్చుతున్నాడు.
ఈ సినిమాలో యుక్తి తరేజా హీరోయిన్‌గా అలరించనుంది. తెలుగులో ఆమెకి ఇదే తొలి సినిమా. త్వరలోనే ఈ సినిమా రెగ్యులర్ షూటింగు మొదలుపెట్టనున్నట్లు తెలస్తుంది. వచ్చే ఏడాదిలోనే ఈ సినిమా ప్రేక్షకుల ముందుకు రానుంది. నాగశౌర్య సెట్స్ పైకి తీసుకెళ్లిన ‘ఫలానా అబ్బాయి – ఫలానా అమ్మాయి’ .. ‘పోలీస్ వారి హెచ్చరిక’ నుంచి అప్ డేట్స్ రావలసి ఉంది.
