తమిళ హీరో కార్తీ వరుస సినిమాలతో బిజీగా ఉన్నాడు. వైవిధ్యభరితమైన చిత్రాలతో ప్రేక్షకులను ఆకట్టుకుంటున్నాడు. తాజాగా ఆయన నటించిన ‘విరుమన్’, ‘పొన్నియన్ సెల్వన్ 1’, ‘సర్దార్’ చిత్రాలు సూపర్‌ హిట్‌ అయ్యాయి. మరోవైపు కార్తీ ఫేస్ బుక్ ఖాతా హ్యాకింగ్ కు గురైంది. ఈ విషయాన్ని కార్తీ ట్విట్టర్ ద్వారా వెల్లడించారు.
తన ఫేస్ బుక్ పేజీ హ్యాక్ అయిందని… ప్రస్తుతం ఫేస్ బుక్ టెక్నికల్ టీమ్ తో కలిసి పని చేస్తున్నామని చెప్పారు. త్వరలోనే అకౌంట్ ను తిరిగి పొందేందుకు యత్నిస్తున్నామని తెలిపారు.
