Prabhas Spirit Movie Details:
సందీప్ రెడ్డి వంగా దర్శకత్వంలో రూపొందనున్న భారీ సినిమా ‘స్పిరిట్’లో సూపర్ స్టార్ ప్రభాస్ పోలీస్ ఆఫీసర్ పాత్రలో నటించనున్నారు. ‘కబీర్ సింగ్’, ‘అనిమల్’ వంటి హిట్ సినిమాల దర్శకుడైన వంగా ఇప్పుడు ప్రభాస్‌తో కలిసి ఈ భారీ ప్రాజెక్ట్‌ని తెరకెక్కిస్తున్నారు. ఈ చిత్రానికి భూషణ్ కుమార్ నిర్మాతగా వ్యవహరిస్తున్నారు.
డిసెంబర్‌లో ‘స్పిరిట్’ చిత్ర షూటింగ్ ప్రారంభం కానుంది, ఇది ఇప్పటికే అభిమానుల్లో ఆసక్తి రేపుతోంది. ఈ చిత్రంలో ప్రభాస్ మూడు భిన్నమైన గెటప్స్‌లో కనిపించబోతున్నారు. ఈ సినిమాతో ప్రభాస్ మరోసారి తన అభిమానులను ఆకట్టుకోనున్నారు. ఆయన ప్రత్యేకంగా ప్రయత్నిస్తున్న ఈ మూడు గెటప్స్ ఈ సినిమాకు మరింత హైప్ తెచ్చే అంశంగా మారనున్నాయి.
EXCLUSIVE ~#Prabhas Will Be Seen In 3 Different Looks In His Upcoming Movie #Spirit With Sensational Director #SandeepReddyVanga 🔥 🔥 🔥 🔥 🔥 pic.twitter.com/FzvSSz1DwI
— TalkEnti (@thetalkenti) November 9, 2024
ఈ చిత్రానికి ఏకంగా రూ.300 కోట్ల బడ్జెట్‌ని కేటాయించడం విశేషం. టీజర్లు, పాటలతో కూడా ఆకట్టుకుంటే.. ‘స్పిరిట్’ భారీ ఓపెనింగ్ రికార్డులు సాధించే అవకాశం ఎక్క్కువగా ఉందని ప్రత్యేకంగా చెప్పాల్సిన పనిలేదు.
ఈ చిత్రంలో ప్రభాస్ సరసన నటించబోయే హీరోయిన్ ఇంకా ఖరారు చేయలేదు. అయితే, రష్మిక మందన్నా లేదా కియారా అద్వానీని ఈ చిత్రానికి హీరోయిన్‌గా ఎంపిక చేసే అవకాశం ఉందని టాక్. వీరిద్దరూ తమ నటనతో, క్యూట్ లుక్స్‌తో విపరీతమైన క్రేజ్ సంపాదించుకున్నారు. ఇక ఈ విషయంలో అధికారిక ప్రకటన కోసం అభిమానులు ఆసక్తిగా ఎదురుచూస్తున్నారు.
‘స్పిరిట్’ తర్వాత ప్రభాస్ హొంబలే ఫిలిమ్స్‌తో మూడు సినిమా ఒప్పందాన్ని సైన్ చేశారు. ఇందులో సలార్ పార్ట్ 2తో పాటు 2027, 2028ల్లో విడుదల కానున్న రెండు కొత్త ప్రాజెక్టులు కూడా ఉన్నాయి.
ALSO READ: Pushpa 2 మ్యూజిక్ డైరెక్టర్ ని మార్చడం వెనక ఒక డైరెక్టర్ హస్తం ఉందా?
