Hari Hara Veera Mallu new Release Date:
పవన్ కళ్యాణ్ అభిమానులు ఎప్పటి నుంచో ఎదురుచూస్తున్న ‘హరి హర వీర మల్లు’ చివరికి విడుదల తేదీని ఖరారు చేసుకుంది. దర్శకుడు క్రిష్ జగర్లాముడి తెరకెక్కిస్తున్న ఈ గ్రాండ్ పీరియాడికల్ యాక్షన్ మూవీ మే 9, 2025న ప్రేక్షకుల ముందుకు రానుంది.
ఈ చిత్రంలో పవన్ కళ్యాణ్ ధర్మం కోసం పోరాడే వీరుడి పాత్రలో కనిపించనున్నారు. మొఘల్ సామ్రాజ్యంలో, విదేశీ శక్తుల చాపకింద నీరులా సాగుతున్న దోపిడీని నిలిపివేయడానికి ఓ యోధుడు చేసే సంగ్రామమే ఈ కథాంశం. నిధి అగర్వాల్, బాబీ డియోల్, నాజర్, సునీల్ ముఖ్యపాత్రలు పోషిస్తున్నారు.
ఇటీవల విడుదలైన ‘మాట వినాలి’ పాటకు మంచి స్పందన లభించింది. ఈ పాటను స్వయంగా పవన్ కళ్యాణ్ ఆలపించగా, మిగతా భాషలలో AI టెక్నాలజీ ద్వారా పవన్ వాయిస్ టోన్‌ను సమర్థవంతంగా రీక్రియేట్ చేశారు. ఎంఎం కీరవాణి అందించిన సంగీతం ఈ చిత్రానికి ప్రత్యేక ఆకర్షణగా నిలిచే అవకాశం ఉంది.
ఈ సినిమా కోసం పవన్ ప్రత్యేకంగా ట్రైనింగ్ తీసుకోవడంతో పాటు, భారీ యాక్షన్ సీక్వెన్సులలో పాల్గొన్నారు. ఈ యాక్షన్ ఎపిక్ కోసం మేగా సూర్య ప్రొడక్షన్స్ భారీ బడ్జెట్ పెట్టింది. దాదాపు 3 సంవత్సరాలుగా పెండింగ్‌లో ఉన్న ఈ చిత్రం ఎట్టకేలకు విడుదలకు సిద్ధమవడంతో ఫ్యాన్స్‌లో ఉత్సాహం నెలకొంది.
మే 9న థియేటర్లలో పవన్ కళ్యాణ్ మేనియా ఎలాంటి ప్రభావం చూపుతుందో చూడాలి!
