H-1B Visa New Rules:
H-1B వీసా కలిగిన తెలుగువాళ్లు చాలామంది అమెరికాలో స్థిరపడాలని కలలు కంటున్నారు. కానీ గ్రీన్ కార్డ్ కోసం ఎదురుచూస్తున్న వారికి USCIS నుంచి మళ్లీ షాక్ తగిలింది. తాజాగా, డిసెంబర్ 18న USCIS కొత్త H-1B నియమాలను విడుదల చేసింది. ఇది గడచిన పదేళ్లలో వచ్చిన అన్ని కఠిన నియమాలను కలిపినట్టు ఉంటుంది.
ఇప్పుడు H-1B హోల్డర్లు ఏం చేయాలనే సందేహం చాలా మందికి వస్తోంది. ముఖ్యంగా IT ఫీల్డ్‌లో ఉన్నవారు ఎలాంటి జాగ్రత్తలు తీసుకోవాలో తెలుసుకోవాలి. కొత్త నియమాల ప్రకారం, H-1B హోల్డర్ తనకు ప్రాజెక్ట్ ఉన్నట్లు ప్రూవ్ చేయాలి. అలాగే ఎండ్ క్లయింట్ లెటర్ తీసుకోవడం తప్పనిసరి.
ఇప్పుడు టెక్నాలజీ వేగంగా మారుతోంది. మన్యువల్ టెస్టింగ్ లేదా ట్రడిషనల్ బిజినెస్ అనాలిస్ట్ జాబ్స్ డిమాండ్‌లో లేవు. అందుకే స్క్రమ్ మాస్టర్ లేదా PMP సర్టిఫికేషన్లు తీసుకోవడం మంచిది. దీనివల్ల లే ఆఫ్స్ నుంచి కాపాడుకోవచ్చు.
డేటా అనాలిస్ట్‌గా పనిచేస్తున్న వారు పైతాన్, ఆర్టిఫిషియల్ ఇంటెలిజెన్స్, మెషిన్ లెర్నింగ్ వంటి కొత్త టెక్నాలజీలను నేర్చుకోవాలి. జావా లేదా .NET డెవలపర్లు సొల్యూషన్ ఆర్కిటెక్ట్‌గా మారేందుకు అవసరమైన స్కిల్స్‌ను పెంపొందించుకోవాలి.
H-1B హోల్డర్ల పిల్లలు 21 సంవత్సరాలు వచ్చాక H-4 డిపెండెంట్ వీసా లో ఉండలేరు. అప్పటికి వారికి స్టూడెంట్ వీసా తీసుకోవాలి. అలాంటి పరిస్థితుల్లో EB-5 వీసా ఆప్షన్‌ను పరిగణనలోకి తీసుకోవడం మంచిది. దాదాపు $800,000 ఇన్వెస్ట్ చేయడం ద్వారా ఈ వీసా పొందవచ్చు. రూరల్ ఏరియాల్లో ఇన్వెస్ట్ చేస్తే మరింత త్వరగా గ్రీన్ కార్డ్ వస్తుంది.
కొత్త నియమాలు కఠినంగా ఉన్నప్పటికీ, అవసరమైన జాగ్రత్తలు తీసుకుంటే H-1B హోల్డర్లు తమ అమెరికా కలను నిజం చేసుకోవచ్చు. స్కిల్స్ అప్‌గ్రేడ్ చేసుకోవడం, ఎండ్ క్లయింట్ లెటర్స్ పొందడం, ఎబి-5 వీసా ఆప్షన్‌ను ఎక్స్‌ప్లోర్ చేయడం చాలా అవసరం.
ALSO READ: Squid Game 2 లో Mahesh Babu? అసలు కథేంటంటే!
