సునీల్, సుహాష్, చాందిని రావు, దివ్య శ్రీపాద, శ్రీ విద్య మహర్షిని ప్రధాన పాత్రల్లో నటించిన వెబ్ మూవీ ”హెడ్స్ అండ్ టేల్స్”. ‘కలర్ ఫొటో’ దర్శకుడు సందీప్ రాజ్ దీనికి కథ అందించారు. నటుడు సాయి కృష్ణ ఎన్రెడ్డి ఈ చిత్రానికి దర్శకత్వం వహించారు. ‘కలర్ ఫోటో’ కోర్ టీమ్ కలిసి వర్క్ చేసిన ఈ ఒరిజినల్.. ప్రముఖ ఓటీటీ ఫ్లాట్ ఫార్మ్ ‘జీ 5’ లో అక్టోబరు 22 నుంచి స్ట్రీమింగ్ కానుంది. ఈ నేపథ్యంలో ఇటీవల విడుదల చేసిన ఫస్ట్ లుక్ ఆకట్టుకుంది. ఈ క్రమంలో తాజాగా ట్రైలర్ ను చిత్ర బృందం రిలీజ్ చేసింది.
ఈ సిరీస్ కు స్టార్ మ్యూజిక్ డైరెక్టర్ మణిశర్మ సంగీతం సమకూర్చడం విశేషం. వెంకట్ ఆర్. ప్రదీప్ రమ్య చౌదరి నిర్మాతలుగా వ్యవహరించారు. ‘హెడ్స్ & టేల్స్’ మూవీ ప్రతి మహిళకూ స్ఫూర్తినిస్తుందని.. తమ కోసం తమ హక్కుల కోసం పోరాడాలని సూచిస్తుందని మేకర్స్ చెబుతున్నారు.
