అందాల భామ లావణ్య త్రిపాఠి నటిస్తున్న తాజా యాక్షన్ క్రైమ్ కామెడీ మూవా ”హ్యాపీ బర్త్ డే”. ‘మత్తు వదలరా’ ఫేమ్ రితేష్ రానా ఈ సినిమాకి దర్శకత్వం వహిస్తున్నారు. ప్రముఖ నిర్మాణ సంస్థ మైత్రీ మూవీ మేకర్స్ తో కలిసి క్లాప్ ఎంటర్టైన్మెంట్ ప్రతాకంపై ఈ సినిమాను నిర్మిస్తున్నారు. ఇటీవల విడుదలైన ‘హ్యాపీ బర్త్ డే’ మూవీ ఫస్ట్ లుక్ పోస్టర్ అందరినీ విశేషంగా ఆకట్టుకుంది. ఇప్పటికే షూటింగ్ పూర్తి చేసుకున్న ‘హ్యాపీ బర్త్ డే’ సినిమా విడుదలకు సిద్ధం అవుతోంది. ఈ నేపథ్యంలో తాజాగా మూవీ టీజర్ ని రిలీజ్‌ చేశారు.
ఇది డైరెక్టర్ రితేష్ రానా మార్క్ సర్రియల్ కామెడీ థ్రిల్స్ మరియు యాక్షన్ తో కూడిన సినిమా అని అర్థం అవుతుంది. కాళ భైరవ సంగీతం అందించారు. జూలై 15 ఈ సినిమా ప్రపంచ వ్యాప్తంగా విడుదల కాబోతోంది. మైత్రీ మూవీ మేకర్స్ నవీన్ యెర్నేని & రవిశంకర్ యలమంచిలి సమర్పణలో చిరంజీవి (చెర్రీ) మరియు హేమలత పెదమల్లు సంయుక్తంగా ఈ చిత్రాన్ని నిర్మిస్తున్నారు.
