టాలీవుడ్‌ యంగ్‌ హీరో తేజ సజ్జా నటిస్తున్న పాన్ ఇండియా మూవీ ‘హనుమాన్‌’. ప్రశాంత్‌వర్మ డైరెక్షన్‌లో తొలి తెలుగు సూపర్ హీరో సిరీస్‌గా వస్తోంది. ఇప్పటికే ఈ సినిమా నుండి విడుదలైన అప్డేట్స్‌కు సినిమాపై ఓ రెంజ్‌లో హైప్‌ని క్రియేట్‌ చేశాయి. ఈ నేపథ్యంలో ఈ రోజు ట్రైలర్‌ను లాంఛ్ చేశారు.
ఈ ట్రైలర్‌లోని డైలాగ్స్‌, యాక్టింగ్‌ ఆకట్టుకుంటున్నాయి. అదిరిపోయే బీజీఎంతో సాగుతున్న విజువల్స్‌ సినిమాకి హైలైట్‌. అత్యున్నత సాంకేతిక విలువలతో తెరకెక్కుతున్న హనుమాన్‌ హాలీవుడ్‌ స్థాయికి తగ్గకుండా ఉండబోతుందని ఇప్పటికే టీజర్‌తో క్లారిటీ ఇచ్చేశాడు. ప్రైమ్‌ షో ఎంటర్‌టైన్‌మెంట్‌ బ్యానర్‌పై కే నిరంజన్‌ రెడ్డి ఈ సినిమాని తెరకెక్కిస్తున్నారు.
ఈ మూవీలో కోలీవుడ్ భామ అమృతా అయ్యర్‌ హీరోయిన్‌గా నటిస్తోంది. వరలక్ష్మి శరత్ కుమార్‌, వినయ్‌ రాయ్‌, రాజ్ దీపక్‌ శెట్టి, వెన్నెల కిశోర్‌ కీలక పాత్రల్లో నటిస్తున్నారు. ఈ చిత్రానికి గౌరా హరి-అనుదీప్ దేవ్‌, కృష్ణ సౌరభ్‌ సంయుక్తంగా మ్యూజిక్‌, బ్యాక్ గ్రౌండ్ స్కోర్‌ స్తున్నారు.
శ్రీమతి చైతన్య సమర్పణలో తెరకెక్క్తున్న ఈ మూవీకి అస్రిన్‌ రెడ్డి ఎగ్జిక్యూటివ్‌ ప్రొడ్యూసర్‌గా, వెంకట్‌ కుమార్‌ జెట్టీ లైన్‌ ప్రొడ్యూసర్‌గా, కుశాల్‌ రెడ్డి అసోసియేట్‌ ప్రొడ్యూసర్‌గా వ్యవహరిస్తున్నారు. జాంబిరెడ్డి తర్వాత తేజ సజ్జా హీరోగా నటిస్తున్న ఈ పాన్ ఇండియా సినిమా పై భారీ అంచనాలే ఉన్నాయి.
