Hanu Raghavapudi about Prabhas Fauji:
దర్శకుడు హను రాఘవపూడి తన ప్రేమ కథలతో తెలుగు సినీ ప్రేక్షకులను బాగానే ఆకట్టుకున్నారు. భావోద్వేగాలు, క్లాస్‌తో నిండిన ప్రేమ కథలు తీయడం ఆయన స్పెషాలిటీ. సీతా రామం వంటి క్లాసిక్ సినిమాకి తర్వాత, ఇప్పుడు రెబల్ స్టార్ ప్రభాస్‌తో కలిసి పని చేయడానికి సిద్ధమవుతున్నారు.
ఈ ప్రాజెక్ట్ సెప్టెంబర్‌లో ప్రారంభమయ్యే అవకాశం ఉంది. పూజా కార్యక్రమం ఇటీవలే జరిగింది. ఈ సినిమాపై భారీ అంచనాలు ఉన్నాయి. ఇది స్వాతంత్ర్యానికి ముందు కాలం నేపథ్యంలో ఉండే ఒక ఇంటెన్స్ ప్రేమ కథ అని సమాచారం. ఇందులో ప్రభాస్ ఓ సైనికుడిగా కనిపించనున్నారు. ఈ సినిమాకు ఫౌజీ అనే ఆసక్తికరమైన టైటిల్ పెట్టే అవకాశం ఉందని సమాచారం.
హను ఈ కథను యుద్ధం నేపథ్యంతో తీర్చిదిద్దారు. అయితే ఈ కథపై కొన్ని పుకార్లు వస్తున్నాయి. ముందు ఈ కథను నాని కి వినిపించారని.. ఇప్పుడు ప్రభాస్ కోసం కొద్దిగా మార్పులతో అదే కథను హను తీస్తున్నారనే వార్తలు వస్తున్నాయి. ఈ రూమర్స్‌కి హను రాఘవపూడి స్వయంగా క్లారిటీ ఇచ్చారు.
ఒక ఇంటర్వ్యూలో మాట్లాడుతూ రెండు కథలు పూర్తిగా డిఫరెంట్ అని చెప్పారు. యుద్ధ నేపథ్య కథలను ఎక్కువగా రాసే హను, భారత సైన్యం పట్ల తనకున్న ప్రేమ వల్లనే ఇలాంటి కథలు పుట్టుకొస్తాయని అన్నారు. అభిమానులు ప్రభాస్ ను సైనికుడిగా చూసేందుకు చాలా ఆసక్తిగా ఎదురుచూస్తున్నారు.
హను ఈ సినిమాలో కొన్ని మాస్ ఎలిమెంట్స్‌ను చేర్చనున్నట్లు సమాచారం. ఇమాన్వి ఇస్మాయిల్ ఈ సినిమాలో హీరోయిన్ గా నటిస్తుండగా, మైత్రీ మూవీ మేకర్స్ ఈ చిత్రాన్ని నిర్మిస్తున్నారు. మరి ఈ ప్రాజెక్ట్ ప్రేక్షకుల అంచనాలను ఎంతవరకు అందుకుంటుందో వేచి చూడాలి.
