హీరోయిన్‌ హన్సిక పెళ్లయిన తరువాత కూడా వరుస సినిమాలతో బిజీగా ఉంది. తాజాగా ఆమె ఓటీటీలోకి కూడా ఎంట్రీ ఇస్తోంది. ఆమె కీలక పాత్రలో ‘ఎమ్‌.వై.3’ అనే వెబ్ సిరీస్‌ తెరకెక్కింది. మూగెన్ రావు హీరోగా న‌టిస్తున్న ఈ సిరీస్‌కు రాజేష్‌. ఎం దర్శకత్వం వహిస్తున్నారు.
డిస్నీ ప్లస్ హాట్ స్టార్ లో రేపటి నుంచి ఈ సిరీస్‌ స్ట్రీమ్ కానుంది. శంత‌ను భాగ్యరాజ్, జనని అయ్యర్ కీలకపాత్రలు పోషిస్తున్నారు. నిన్న ట్రైలర్ విడుదలైంది. ఇదొక సైంటిఫిక్ ల‌వ్ ఎంట‌ర్‌టైన‌ర్‌. ఇందులో మైత్రి అనే హ్యూమనాయిడ్ రోబోగా, మనిషిగా హన్సిక రెండు పాత్రలు పోషించింది.
ఈ సిరీస్‌లో రోబోగా హన్సిక లుక్‌, మ్యాన‌రిజ‌ం ఆకట్టుకుంటోంది. తమిళంతో పాటు తెలుగు, కన్నడ, మలయాళ, బెంగాలీ, మరాఠీ భాషల్లో అందుబాటులో ఉండనుంది.
