ఈ సంక్రాంతికి మహేష్‌బాబు హీరోగా నటించిన ‘గుంటూరు కారం’ సినిమా విడుదలైన సందడి చేసిన సంగతి తెలిసిందే. తాజాగా ఈ మూవీ సక్సెస్‌ సెలబ్రేషన్స్‌ మహేష్‌ బాబు ఇంట్లో సందడిగా జరిగాయి. ఈ వేడుకల్లో దిల్‌ రాజు దంపతులు, నిర్మాత నాగవంశీ, హీరోయిన్లు శ్రీలీల, మీనాక్షి చౌదరి పాల్గొన్నారు.
ఈ వేడుకల్లో సితార ప్రత్యేక హైలైట్‌గా నిలిచింది. సంక్రాంతి శుభాకాంక్షలు చెప్పిన మహేశ్‌ బాబు.. ఆ ఫొటోలను షేర్‌ చేస్తూ ‘బ్లాక్‌ బస్టర్‌ సెలబ్రేషన్స్‌’ అనే క్యాప్షన్‌ను జోడించారు.
మహేశ్‌ బాబు- త్రివిక్రమ్‌ కాంబోలో ఈ మూవీ జనవరి 12న ప్రేక్షకుల ముందుకు వచ్చింది. రమణ పాత్రలో మహేశ్‌ మాస్ లుక్‌లో అలరించగా.. శ్రీలీల డ్యాన్స్‌తో జోష్‌ పెంచింది.
ఈ సినిమాలో రమ్యకృష్ణ, జయరామ్‌, ప్రకాశ్‌ రాజ్‌ కీలక పాత్రల్లో నటించి సినిమాకి మంచి హైప్‌ని క్రియేట్‌ చేశారు. మూడు రోజుల్లో రూ.164 కోట్లు వసూళ్లు చేసినట్లు చిత్రబృందం పేర్కొంది.
