టాలీవుడ్ సూపర్ స్టార్ మహేష్ బాబు తాజా చిత్రం గుంటూరు కారం. ఈ మూవీ ప్రీరిలీజ్ ఈవెంట్ కోసం అభిమానులు ఎంతో ఆత్రుతగా ఎదురు చూస్తున్నారు. ఈ నెల 6న హైదరాబాద్‌లో నిర్వహించాలనుకున్నారు. కానీ అనివార్య కారణాలతో వాయిదా వేస్తున్నట్లు మేకర్స్ ప్రకటించారు. ఎప్పుడు నిర్వహించేది త్వరలోనే వెల్లడిస్తామన్నారు.
సంక్రాంతి రేసులో హాట్ ఫేవరేట్‌గా బరిలోకి దిగుతున్న గుంటూరు కారంపై ఓరేంజ్‌ అంచనాలున్నాయి. హారిక అండ్ హాసినీ క్రియేషన్స్ బ్యానర్ పై చినబాబు మరియు సూర్యదేవర నాగవంశీ నిర్మిస్తున్నారు. ఈ చిత్రంలో శ్రీలీల, మీనాక్షి చౌదరి హీరోయిన్లు.
గుంటూరు కారం మూవీ నుంచి రిలీజైన సాంగ్స్, టీజర్ అభిమానులను ఉర్రూతలూగిస్తోంది. సినిమా ఎప్పుడెప్పుడు వస్తుందా అంటూ ఆత్రుతతో ఎదురుచూస్తున్నారు. రిలీజ్ డేట్ దగ్గరపడుతుండటంతో మేకర్స్ ప్రమోషన్స్ చేస్తున్నారు. రోజుకో మాస్ పోస్టర్‌తో అదరగొట్టేస్తున్నారు.
ఎంతగా ప్రయత్నించినా ఊహించని పరిస్థితులు, సెక్యూరిటీ సమస్యల కారణంగా గుంటూరు కారం ప్రీ-రిలీజ్ ఈవెంట్‌ని నిర్వహించడం లేదు. ఇందుకు అభిమానులకు మేము హృదయపూర్వకంగా క్షమాపణలు చెప్తున్నాము. ప్రీ-రిలీజ్ వేడుక ఎప్పుడు నిర్వహించేదీ వీలైనంత త్వరగా ప్రకటిస్తామని తెలిపారు.
