మేఘ ఆకాశ్ ప్రధాన పాత్రలో నటిస్తున్న చిత్రం ‘డియర్ మేఘ’. సుశాంత్ రెడ్డి డైరెక్షన్‌లో వస్తున్న ఈ సినిమాకి అర్జున్ దాస్యం నిర్మాతగా వ్యవహరించాడు. అరుణ్ ఆదిత్ .. అర్జున్ సోమయాజులు కీలక పాత్రలో నటించారు. ఈ ప్రేమకథా చిత్రం నుంచి తాజాగా ఒక లిరికల్ వీడియో సాంగ్ ను విడుదలైంది. గుండెల్లో కన్నీటి మేఘం .. కమ్మిందా తానైతే దూరం’ అంటూ ఈ పాట సాగుతోంది. మ్యూజిక్ డైరెక్టర్ హరి గౌర ఈ పాటకు శ్రావ్యమైన బాణీలు సమకూర్చగా.. సింగర్ హరిణి వినసొంపుగా ఆలపించారు. దీనికి గేయ రచయిత కృష్ణ కాంత్ హృదయాలను ద్రవింపజేసే సాహిత్యం అందించారు.
