Chhaava cast:
ఇటీవల బాలీవుడ్‌లో దూసుకుపోతున్న సినిమా Chhaava. విక్కీ కౌశల్, రష్మిక మందన్న నటించిన ఈ హిస్టారికల్ మూవీ ఘన విజయాన్ని అందుకుంది. ముఖ్యంగా బాలీవుడ్‌లో వరుస ఫెయిల్యూర్స్ తర్వాత వచ్చిన ఈ హిట్ ఫిల్మ్, అక్కడి ఇండస్ట్రీకి మంచి ఊరటనిచ్చింది. కానీ ఆశ్చర్యకరమైన విషయం ఏంటంటే, అసలు ఈ కథ ముందుగా టాలీవుడ్ సూపర్ స్టార్ మహేష్ బాబుకే వెళ్లిందట!
డైరెక్టర్ లక్ష్మణ్ ఉటేకర్ మొదటగా ఈ కథను మహేష్ బాబుకు వినిపించారని టాక్. అయితే, మహేష్ ఈ సినిమా చేయడానికి ఆసక్తి చూపించలేదట. ఆయన ప్రస్తుతం రాజమౌళితో గ్లోబల్ స్థాయి సినిమా చేయబోతుండటంతో, ‘ఛావా’ లాంటి హిస్టారికల్ ప్రాజెక్ట్‌కు గ్రీన్ సిగ్నల్ ఇవ్వలేదన్నది ఫిల్మ్ సర్కిల్స్ టాక్.
ఫిబ్రవరి 14న విడుదలైన ఈ సినిమా మూడు రోజుల్లోనే ₹120 కోట్లకు పైగా వసూలు చేసి బాలీవుడ్‌లో సంచలనం సృష్టించింది. విక్కీ కౌశల్ పోషించిన శంభాజీ మహారాజ్ పాత్రకు ప్రేక్షకుల నుంచి అద్భుతమైన రెస్పాన్స్ వచ్చింది. ముఖ్యంగా కొందరు సన్నివేశాల్లో భావోద్వేగానికి లోనై కన్నీళ్లు పెట్టుకున్నారని చెప్పుకుంటున్నారు.
మహేష్ బాబు ఈ సినిమాను ఒప్పుకుని ఉంటే, ఆయనకు కూడా బాలీవుడ్‌లో భారీ మార్కెట్ ఏర్పడి ఉండేదని ఫ్యాన్స్ అభిప్రాయపడుతున్నారు. “ఒకవేళ ఈ సినిమా చేసి, ఆ తర్వాత రాజమౌళి సినిమా చేసుంటే, మహేష్ కెరీర్ మరింత గ్రాండ్‌గా ఉండేదేమో!” అంటూ కొందరు అభిమానులు కామెంట్ చేస్తున్నారు.
అయితే, మహేష్ తన ప్లానింగ్‌ ప్రకారం ముందుకు సాగుతుండటంతో, ఆయన ఇమేజ్‌కు ఇది పెద్ద నష్టం కాదని మరికొందరు అంటున్నారు. కానీ, ‘ఛావా’ లాంటి బ్లాక్‌బస్టర్‌ను మిస్ కావడం మాత్రం అభిమానులకు కాస్త బాధగానే ఉంది.
