Prabhas Fauji cast update:
ప్రభాస్ అభిమానులకు మరో పెద్ద ట్రీట్ రాబోతోంది! ‘కల్కి 2898 AD’ హిట్ అయిన తర్వాత, ప్రభాస్ ఇప్పుడు ‘ఫౌజీ’ అనే యాక్షన్ వార్ డ్రామాలో నటిస్తున్నాడు. హను రాఘవపూడి దర్శకత్వం వహిస్తున్న ఈ సినిమాపై అంచనాలు భారీగా పెరిగిపోయాయి. తాజా సమాచారం ప్రకారం, ఈ చిత్రంలో బాలీవుడ్ నటుడు అనుపమ్ ఖేర్ ముఖ్య పాత్రలో కనిపించబోతున్నాడు!
‘ఫౌజీ’ షూటింగ్ ప్రస్తుతం హైదరాబాద్‌లోని రామోజీ ఫిల్మ్ సిటీలో జరుగుతోంది. ఓ రిపోర్ట్ ప్రకారం, అనుపమ్ ఖేర్ ఈ సినిమాలో ముఖ్యమైన పాత్ర పోషించబోతున్నారు. ఇదే నిజమైతే, ‘కార్తికేయ 2’, ‘టైగర్ నాగేశ్వరరావు’ తర్వాత ఆయన నటిస్తున్న మూడో తెలుగు సినిమా ఇదే అవుతుంది. అయితే, మేకర్స్ ఈ విషయాన్ని అధికారికంగా ప్రకటించాల్సి ఉంది.
‘ఫౌజీ’లో ప్రభాస్ పూర్తిగా కొత్త లుక్‌లో కనిపించబోతున్నాడు. ఈ సినిమాలో ఆయన ఆర్మీ ఆఫీసర్ పాత్రలో కనిపించనుండటం విశేషం. యాక్షన్, ఎమోషన్ కలబోతగా ఈ సినిమాను UV క్రియేషన్స్ భారీ బడ్జెట్‌తో నిర్మిస్తోంది. టాప్ క్లాస్ విజువల్స్, ఎంగేజింగ్ స్టోరీతో ఈ సినిమా ప్రేక్షకులను ఆకట్టుకోవడం ఖాయం.
ఈ సినిమాకు మైత్రి మూవీ మేకర్స్ కూడా బ్యాకింగ్ ఇస్తున్నారు. హీరోయిన్ ఇమావి ఈ సినిమాలో ప్రభాస్ సరసన నటిస్తోంది. సంగీతం విశాల్ చంద్రశేఖర్, సినిమాటోగ్రఫీ సుదీప్ చట్టర్జీ, ఎడిటింగ్ కోటగిరి వెంకటేశ్వరరావు చేస్తున్నాడు.
ప్రభాస్ ‘ఫౌజీ’తో పాటు, ‘ది రాజా సాబ్’ అనే హారర్-కామెడీ సినిమాతో కూడా బిజీగా ఉన్నాడు. ఈ సినిమా మారుతి దర్శకత్వంలో రూపొందుతోంది.
