Gopichand Malineni Bollywood Movie: డాన్ శీను, క్రాక్, వీర సింహారెడ్డి వంటి సూపర్ హిట్ సినిమాలను అందించిన గోపీచంద్ మలినేని.. తాజాగా ఇప్పుడు బాలీవుడ్ లో కూడా తన సత్తా చాటనున్నారు. ప్రముఖ బాలీవుడ్ నటుడు బాబి డియోల్ హీరోగా గోపీచంద్ మలినేని.. ఒక యాక్షన్ సినిమాకి దర్శకత్వం వహిస్తున్నారు.
దీనికి సంబంధించిన అధికారిక ప్రకటన కూడా విడుదలైంది. మైత్రి మూవీ మేకర్స్, పీపుల్స్ మీడియా ఫ్యాక్టరీ వారు సంయుక్తంగా ఈ సినిమాని నిర్మిస్తున్నారు. ఈ సినిమాతో గోపీచంద్ మలినేని.. బాలీవుడ్ లో కూడా అడుగుపెట్టబోతున్నారు. అయితే
ఇప్పటికే చాలామంది తెలుగు డైరెక్టర్లు తెలుగులో ఒక సినిమా బ్లాక్ బస్టర్ అవగానే బాలీవుడ్ వైపుకి పరుగులు తీస్తున్నారు. అర్జున్ రెడ్డి ఫేమ్ డైరెక్టర్ సందీప్ వంగా, మహర్షి ఫేమ్ వంశీ పైడిపల్లి, ఇక ఈ మధ్యనే విడుదలైన బేబీ చిత్ర డైరెక్టర్ సాయి రాజేష్, హనుమ్యాన్ సినిమాతో బిగ్గెస్ట్ బ్లాక్ బస్టర్ అందుకున్న ప్రశాంత్ వర్మ కూడా ఇప్పుడు బాలీవుడ్ హీరోలతో సినిమాలు సైన్ చేశారు.
అయితే తెలుగు డైరెక్టర్లు అందరూ బాలీవుడ్ మీద..oxo ఎందుకు మోజు పడుతున్నారు అనేది ఇప్పుడు చర్చనీయాంసంగా మారింది. నిజానికి వీళ్ళందరూ తెలుగులో సూపర్ హిట్ సినిమాలను అందించిన వారే. కానీ తెలుగు లో ఇంకా మంచి గుర్తింపు రావాలి అంటే.. స్టార్ హీరోలతో సినిమాలు చేయాలి.
ప్రస్తుతం తెలుగు స్టార్ హీరోలు ఎవరూ ఖాళీగా లేరు. ఒకవేళ ఉన్నా కూడా వాళ్ళు పర భాష డైరెక్టర్లు లేదా స్టార్ డైరెక్టర్లతోనే సినిమాలు తీస్తున్నారు.. కానీ ఇలా ఒకటి రెండు హిట్లు ఉన్న మంచి డైరెక్టర్లతో సినిమాలకి గ్రీన్ సిగ్నల్ ఇవ్వడం లేదు. అది కూడా ఒక కారణం అయ్యి ఉండొచ్చు. అందుకే చాలా వరకు తెలుగు డైరెక్టర్లు తెలుగులో కొంచెం ఫేమ్ రాగానే బాలీవుడ్ హీరోలతో సినిమాలకు సైన్ చేసేస్తున్నారు. అక్కడైతే బాలీవుడ్ స్టార్ హీరోలతో సినిమాలు చేసే అవకాశం వస్తుంది. అంతేకాకుండా ఆ సినిమాలు తెలుగులో కూడా రిలీజ్ అవుతాయి కాబట్టి ఇక్కడ కూడా మంచి ఫేమ్ వస్తుంది. తెలుగు డైరెక్టర్లు మాత్రమే కాదు తమిళ్ లో కూడా అట్లీ వంటి డైరెక్టర్లు బాలీవుడ్ మీద దండయాత్ర చేస్తున్నారు.
More about Gopichand Malineni:
రవితేజ హీరోగా నటించిన డాన్ శీను సినిమాతో డైరెక్టర్ గా మారిన గోపీచంద్ మలినేని బాడీగార్డ్, బలుపు వంటి సినిమాలతో ప్రేక్షకులను అలరించారు. విన్నర్ సినిమాతో ఫ్లాప్ అందుకున్న గోపీచంద్.. ఆ తర్వాత మళ్లీ రవితేజ తో క్రాక్ సినిమాతో బ్లాక్ బస్టర్ అందుకున్నారు. ఈ మధ్యనే నందమూరి బాలకృష్ణ హీరోగా గోపీచంద్ వీర సింహారెడ్డి సినిమాతో మరొక సూపర్ హిట్ తన ఖాతాలో వేసుకున్నారు.
