తెలుగు హీరోయిన్ అంజలి ప్రధాన పాత్రలో న‌టిస్తున్న తాజా చిత్రం ‘గీతాంజలి మళ్లీ వచ్చింది’. 2014లో వచ్చిన ‘గీతాంజలి’ సినిమాకు సీక్వెల్‌ మూవీ. శ్రీనివాస్‌ రెడ్డి హీరోగా నటిస్తునన ఈ సినిమాలో సునీల్, సత్యం రాజేశ్‌, షకలక శంకర్‌, అలీ త‌దిత‌రులు కీలక పాత్రల్లో న‌టిస్తున్నారు.
అంజలి 50వ సినిమాగా తెరకెక్కుతున్న ఈ సినిమాకి వెంకట్ క‌థ, స్రీన్ ప్లేను అందిస్తుండ‌గా.. శివతుర్లపాటి దర్శకత్వం వహిస్తున్నాడు. ఇప్పటి వరకూ ఈ సినిమా నుండి విడుదలైన అంజలి ఫస్ట్ లుక్ పోస్ట‌ర్‌తో పాటు హీరో సునీల్ ఫస్ట్ లుక్‌ల‌ను విడుదల చేయ‌గా ప్రేక్ష‌కుల‌ను ఆక‌ట్టుకుంది.
తాజాగా ఈ సినిమా ఫస్ట్ లుక్ పోస్ట‌ర్‌ను మేక‌ర్స్ విడుదల చేశారు. ఈ పోస్ట‌ర్‌లో పాడుబడిన బిల్డింగ్‌లో అంజలి, శ్రీనివాస్‌ రెడ్డి, సత్యం రాజేశ్‌, షకలక శంకర్‌, అలీ, సునీల్ ఉండ‌గా.. పైకి దేనినో సీరియస్‌గా చూస్తున్న‌ట్లు ఉంది.
ఎంవీవీ సినిమాస్‌ బ్యానర్‌తో కలిసి కోన ఫిలిం కార్పొరేషన్‌ బ్యానర్‌పై కోన వెంకట్ ఈ సినిమాను తెరకెక్కిస్తున్నారు. ప్రవీణ్ లక్కరాజు సంగీతం అందిస్తున్నాడు. తెలుగుతో పాటు త‌మిళం, మ‌ల‌యాళం, హిందీ, క‌న్న‌డ భాష‌ల్లో గ్రాండ్‌గా విడుదల చేయ‌నున్న‌ట్లు మేక‌ర్స్ వెల్ల‌డించారు.
