Bigg Boss 8 Telugu Gangavva:
తాజా ఎపిసోడ్‌లో బిగ్ బాస్ హౌస్‌లో కొన్ని ముఖ్యమైన మార్పులు చోటు చేసుకున్నాయి. ఈ ఎపిసోడ్‌లో ప్రేరణ కొత్తగా మెగా చీఫ్ స్థానం దక్కించుకుంది. మరోవైపు గంగవ్వ, విష్ణు ప్రియ మరియు పృథ్వి మధ్య ఉన్న సంబంధంపై ఆసక్తికరమైన వ్యాఖ్యలు చేసింది.
రోజు ప్రారంభంలోనే, పృథ్వి తన కంటెండర్ స్థానం కాపాడుకోవాల్సిన టాస్క్‌లో పాల్గొన్నాడు. అతను ప్రత్యర్థిని ఎంచుకునే అవకాశం పొందగా, విష్ణు ప్రియ ను ఎంచుకున్నాడు. టాస్క్ సమయంలో పృథ్వి తన గేమ్ ప్లాన్‌ను చూపుతూ, కీ ఉన్న ప్రదేశం గురించి విష్ణు ప్రియను దారి మళ్ళించాడు. ఈ పోటీలో విజయం సాధించిన పృథ్వికి రూ. 99,000 ప్రైజ్ మనీ కూడా లభించింది.
తరువాత, అతనికి చీఫ్ కంటెండర్‌గా ఎవరికైనా నామినేట్ చేసే శక్తి లభించగా, మొదట నిఖిల్ గురించి ఆలోచించినప్పటికీ, నబిల్ సూచనతో విష్ణు ప్రియను ఎంచుకున్నాడు. అయితే, పృథ్వి ఆటతీరుపై రోహిణి, టేస్టీ తేజ వంటి కొంతమంది హౌస్‌మేట్లు విమర్శలు చేయగా, విష్ణు ప్రియ ఆశ్చర్యకరంగా అతనిని సమర్థించింది. “గేమ్‌లో ప్లాన్ లు ఉండటం కామన్” అని చెప్పింది.
మరోవైపు, గంగవ్వ హౌస్‌లోని సంబంధాలపై మాట్లాడింది. ప్రస్తుతంలో పృథ్వి, విష్ణు ప్రియ మధ్య రొమాంటిక్ ట్రాక్ ఉందని బయట టాక్ నడుస్తూ ఉండగా, గంగవ్వ మాత్రం వారి మధ్య అన్నాచెల్లెళ్ల సంబంధం ఉందని అనడం అందరికీ షాక్ ఇచ్చింది. విష్ణు ప్రియ పృథ్విని చెల్లెలిగా చూసుకుంటుందని, భోజనం పెట్టడం వంటి పనులు చేస్తూ అతనికి తోడుగా ఉంటుందని గంగవ్వ చెప్పింది.
తర్వాత జరిగిన ఒక కీలక టాస్క్‌లో యష్మీ, విష్ణు ప్రియ, ప్రేరణ పోటీపడ్డారు. చివరికి విష్ణు ప్రియ తన బ్యాగ్‌ను వదిలేయడం వలన ప్రేరణ విజేతగా నిలిచింది. ఈ విజయంతో ప్రేరణకు రూ. 2,12,000 ల బహుమతి అందింది.
ALSO READ: Bigg Boss 8 Telugu లో అత్యధిక ఓటింగ్ నమోదు చేసుకున్న హౌస్ మేట్ ఎవరో తెలుసా?
