ఎనర్జిటిక్ హీరో రామ్‌ నటిస్తోన్న తాజా చిత్రం స్కంద. బోయపాటి శ్రీను డైరెక్షన్‌లో మాస్ యాక్షన్‌ ఎంటర్‌టైనర్‌గా తెరకెక్కుతోంది. ఇప్పటికే ఈ సినిమా నుండి విడుదలైన పాట మరియు పోస్టర్‌లకు మంచి స్పందన వస్తుంది. ఈ క్రమంలో సెకండ్‌ సింగిల్‌ను రిలీజ్‌ చేశారు.
గండరబాయ్ గండరబాయ్ గందరగోళంలో పెట్టకమ్మాయ్.. గండరబాయ్ గండరబాయ్ గత్తర కౌగిట్లో సుట్టకమ్మయ్ అంటూ సాగే ఈ సాంగ్‌ను అనంత్ శ్రీరామ్‌ రాశారు. ఎస్ థమన్ కంపోజిషన్‌లో నకాశ్‌ అజీజ్‌, సౌజన్య భాగవతుల పాడారు. ప్రేమ్‌ రక్షిత్‌ డ్యాన్స్ కంపోజిషన్‌లో రామ్‌, శ్రీలీల అదిరిపోయే స్టెప్పులేశారు. ఈ పాటను తెలుగు, త‌మిళం, మ‌ల‌యాళం, క‌న్నడ, హిందీ భాషల్లో విడుదల చేశారు.
ఈ సినిమా తెలుగు, త‌మిళం, మ‌ల‌యాళం, క‌న్నడ, హిందీ భాషల్లో అక్టోబర్ 20న ప్రపంచవ్యాప్తంగా రిలీజ్‌ చేస్తున్నట్టు తెలిపారు మేకర్స్‌. RAPO20 చిత్రాన్ని శ్రీనివాస సిల్వర్‌ స్క్రీన్స్ ప‌తాకంపై ప‌వ‌న్ కుమార్ స‌మ‌ర్పణలో శ్రీనివాస చిట్టూరి నిర్మిస్తున్నారు.
