Game Changer shooting:
మెగా పవర్ స్టార్ రామ్ చరణ్ హీరోగా శంకర్ దర్శకత్వంలో తెరకెక్కుతున్న.. Game Changer సినిమా మీద చాలానే అంచనాలు ఉన్నాయి. భారతీయుడు 2 సినిమా తర్వాత మాత్రం మెగా అభిమానులలో కంగారు మొదలైంది. ఈ సినిమా పరిస్థితి ఎలా ఉంటుందో అని అనుమానాలు కూడా వ్యక్తం అవుతున్నాయి.
ఇదిలా ఉండగా కొద్ది రోజులు ముందే.. ఈ సినిమా షూటింగ్ పూర్తయినట్లు చిత్రబృందం ప్రకటించింది. రామ్ చరణ్ మొదటి రోజు షూటింగ్ కి వచ్చినప్పుడు ఫోటో.. ఆఖరి రోజు షూటింగ్ చేసిన ఫోటో సోషల్ మీడియాలో వైరల్ అయ్యాయి. షూటింగ్ ఎలాగో పూర్తవడంతో ఇక నిర్మాణాంతర పనులు కూడా త్వరగా పూర్తి చేసుకుంటుంది అని ఫాన్స్ ఆశించారు.
అయితే ఈ లోపే శంకర్ ఫాన్స్ కి మాత్రమే కాక రామ్ చరణ్ కి, చిత్రం నిర్మాత దిల్ రాజుకి కూడా పెద్ద షాక్ ఇచ్చారు. షూటింగ్ అంతా అయిపోయింది అనుకుంటున్న సమయంలో.. ఇంకొద్ది రోజులు సినిమా షూటింగ్ చేయాల్సిన అవసరం వచ్చింది అని కోరారు శంకర్.
దీంతో చేసేది ఏమీ లేక చిత్ర బృందం మళ్లీ షూటింగ్ మొదలుపెట్టింది. ఇవాల్టి నుంచే సినిమా షూటింగ్ సిరిసిల్లలో మొదలు కాబోతోంది. ఇది ఎన్ని రోజుల షెడ్యూల్ అని ఇంకా క్లారిటీ రాలేదు. ఈరోజు సిరిసిల్లలో షూటింగ్ తర్వాత మళ్లీ హైదరాబాద్లో కూడా షూట్ చేయాల్సిన కొన్ని సన్నివేశాలు ఉన్నట్లు సమాచారం
అయిపోయింది అనుకున్న షూటింగ్ మళ్లీ మొదలవడంతో మెగా అభిమానులు ఆందోళన మొదలైంది. మరోవైపు సినిమా డిసెంబర్లో విడుదల అవుతుంది అని ఇప్పటికే దిల్ రాజు ఖరారు చేశారు. సినిమాకి సంబంధించిన విడుదల తేదీ త్వరలోనే బయటకు రానుంది.
