Game Changer Release Date:
మెగా పవర్ స్టార్ రామ్ చరణ్ హీరోగా నటిస్తున్న గేమ్ చేంజర్ సినిమా మీద భారీ అంచనాలు ఉన్నాయి. ఈ సినిమా ఎప్పుడు విడుదలవుతుందా అని అభిమానులు కళ్ళు కాయలు కాచేలా ఎదురు చూశారు. కానీ ఈ సినిమాకి దర్శకత్వం శంకర్ వహించారు. శంకర్ ఈ మధ్యనే విడుదల చేసిన భారతీయుడు 2 సినిమా పరిస్థితి ఇప్పటికే చూసేసాం.
ఈ నేపథ్యంలో శంకర్ నెక్స్ట్ సినిమాలో మీద కూడా ప్రేక్షకులకు ఏమాత్రం ఆశలు లేవు. నిజానికి భారతీయుడు 2 మీద భారీ అంచనాలు ఉన్నాయి. పైగా భారతీయుడు వంటి కల్ట్ సినిమాకి సీక్వెల్ కాబట్టి సినిమా గురించి ప్రేక్షకులు కూడా చాలానే ఆశలు పెట్టుకున్నారు. కానీ విడుదలైన మొదటి రోజు నుంచి భారతీయుడు 2 సినిమా కేవలం ట్రోల్స్ మాత్రమే అందుకుంటోంది.
ఇదంతా జరిగే కనీసం కొన్ని రోజులు కూడా కాలేదు. ఇంకా భారతీయుడు 2 ఎఫెక్ట్ ప్రేక్షకుల నుంచి పూర్తిగా పోలేదు కూడా. ఈ నేపథ్యంలో శంకర్ గేమ్ చేంజర్ సినిమాని కూడా సంక్రాంతి బరిలో దింపడానికి ప్లాన్ చేస్తున్నారు. నిన్న జరిగిన రాయన్ ప్రీ రిలీజ్ ఈవెంట్ లో చిత్ర నిర్మాత దిల్ రాజు గేమ్ చేంజర్ గురించి మాట్లాడుతూ క్రిస్మస్ కి కలుద్దాం అని అన్నారు.
దీంతో మెగా అభిమానుల్లో కంగారు మొదలైంది. భారతీయుడు 2 ఎఫెక్ట్ డిసెంబర్ కైనా పోతుందో లేదో చెప్పలేని పరిస్థితి. ఒకవేళ డిసెంబర్ దాటితే సినిమా మార్చ్ లో విడుదలవ్వాలి. ఈ లోపల దసరాకి సంక్రాంతికి చాలానే సినిమాలు వస్తాయి కాబట్టి భారతీయుడు 2 సినిమా గురించి అంత టాక్ ఉండదు. కానీ ఇప్పుడు క్రిస్మస్ కి సినిమా అంటే.. భారతీయుడు 2 ఎఫెక్ట్ దీని మీద కూడా పడుతుంది అని మెగా ఫ్యాన్స్ అనుకుంటున్నారు.
