Game Changer: మెగా పవర్ స్టార్ రామ్చరణ్ హీరోగా నటిస్తున్న తాజా చిత్రం ‘గేమ్ ఛేంజర్’. ప్రముఖ దర్శకుడు శంకర్‌ డైరెక్షన్‌లో వస్తున్న ఈ సినిమాపై భారీ అంచనాలు ఉన్నాయి. పొలిటికల్ యాక్షన్ డ్రామాగా ఈ మూవీ తెరకెక్కుతున్న ఈ సినిమాలో రామ్చరణ్ రెండు విభిన్న పాత్రల్లో కనిపించనున్నారు. ఈ మూవీ షూటింగ్ చివరి దశకు చేరుకుంది. ఇటీవలే ఈ మూవీ షూటింగ్ వైజాగ్‌లో జరిగింది. తాజాగా ఈమూవీ ఓటీటీ డీల్‍ను లాక్ చేసుకుంది.
ఈ సినిమా ఓటీటీ హక్కులను అమెజాన్ ప్రైమ్ వీడియో ప్లాట్‍ఫామ్ కైవసం చేసుకుంది. తాజాగా జరిగిన ప్రైమ్ వీడియో ఈవెంట్‍లో ఈ విషయంపై అధికారిక ప్రకటన వచ్చింది. గేమ్ ఛేంజర్ మూవీ స్ట్రీమింగ్ హక్కులను దక్కించుకున్నట్టు ఆ ప్లాట్‍ఫామ్ ప్రకటించింది.
‘గేమ్ ఛేంజర్’ షూటింగ్ జరుగుతూ ఉండటంతో.. విడుదల తేదీపై ఇంకా ఓ నిర్ణయానికి రాలేదని తెలుస్తోంది. థియేటర్లలో రిలీజైన తర్వాత.. థియేట్రికల్ రన్ పూర్తయ్యాక గేమ్ ఛేంజర్ సినిమా అమెజాన్ ప్రైమ్ వీడియో ఓటీటీలో స్ట్రీమింగ్ కానుంది.
గేమ్ ఛేంజర్ సినిమాలో కియారా అద్వానీ హీరోయిన్‍గా నటిస్తుంది. ఎస్‍జే సూర్య, అంజలి, జయరాం, సునీల్, శ్రీకాంత్, సముద్రఖని తదితరులు కీలకపాత్రలు చేస్తున్నారు. శ్రీ వెంకటేశ్వర క్రియేషన్స్ పతాకంపై భారీ బడ్జెట్‍తో దిల్ రాజు, శిరీష్ నిర్మిస్తున్న ఈ సినిమాకి థమన్ సంగీతం అందిస్తున్నాడు.
