Game Changer Release Date:
మెగా పవర్ స్టార్ రామ్ చరణ్ నటిస్తున్న పొలిటికల్ థ్రిల్లర్ గేమ్ చేంజర్ ప్రస్తుతం భారీ అంచనాలతో విడుదలకు సిద్ధమవుతోంది. ఈ చిత్రానికి ప్రముఖ దర్శకుడు శంకర్ దర్శకత్వం వహిస్తున్నారు. హీరోయిన్ గా కియారా అద్వానీ నటిస్తున్నారు. చరణ్, శంకర్ కాంబోలో వస్తున్న ఈ సినిమా విడుదలకు ముందే ప్రేక్షకులలో భారీ ఆసక్తి రేకెత్తిస్తోంది.
ముందుగా ఈ చిత్రాన్ని 2024 డిసెంబర్ 20న విడుదల చేయాలని అనుకున్నారు. అయితే, తాజాగా వచ్చిన వార్తల ప్రకారం, విడుదల తేదీ డిసెంబర్ 25కు మారే అవకాశం ఉంది. దీనికి సంబంధించిన అధికారిక ప్రకటన త్వరలో వెలువడనుంది. ఈ సినిమా విడుదల తేదీ మారినా, అందరూ ఈ సినిమా కోసం ఆసక్తిగా ఎదురుచూస్తున్నారు.
గేమ్ చేంజర్ లో రామ్ చరణ్ ఒక ఆసక్తికరమైన పాత్రలో కనిపించనున్నారు. ఈ సినిమా రాజకీయ నేపథ్యంలో ఉండటంతో కథలో థ్రిల్ ఎక్కువగా ఉంటుంది. సినిమాకు సంబంధించిన కథ, కథనాలను ఇంకా రహస్యంగానే ఉంచారు. అందుకే సినిమా మీద ఇంకా హైప్ పెరిగింది.
రామ్ చరణ్, కియారా మధ్య రొమాంటిక్ సీన్స్ కూడా సినిమా హైలైట్‌గా ఉండే అవకాశముందట. గతంలో ఈ జంట వినయ విధేయ రామ సినిమాలో కలిసిన నటించారు కానీ ఆ సినిమా అనుకున్న ఫలితాన్ని సాధించలేకపోయింది. ఎస్జే సూర్య, సముద్రఖని, అంజలి, శ్రీకాంత్, ప్రకాశ్ రాజ్, నవీన్ చంద్ర వంటి ప్రముఖ నటులు కూడా ఈ చిత్రంలో కీలక పాత్రల్లో కనిపించనున్నారు.
ఈ చిత్రాన్ని శ్రీ వెంకటేశ్వర క్రియేషన్స్ బ్యానర్‌పై దిల్ రాజు భారీ స్థాయిలో నిర్మిస్తున్నారు. చిత్రానికి సంగీతాన్ని థమన్ అందిస్తున్నారు. ఇప్పటికే విడుదలైన ఫస్ట్ లుక్, పోస్టర్స్, పాటలు సినిమాపై మరింత హైప్ తెచ్చాయి.
Read More: Pawan Kalyan: ఫ్యాన్స్ కోసం మళ్లీ పాట పాడనున్న డిప్యూటీ ముఖ్యమంత్రి
