హీరోయిన్‌ శ్రియ ప్రధాన పాత్రలో నటిస్తున్న ఎమోషనల్‌ ఫ్యామిలీ ఎంటర్‌టైనర్‌ ‘గమనం’. సుజనారావు డైరెక్షన్‌లో వస్తున్న ఈ సినిమా మరికొన్ని రోజుల్లో ప్రేక్షకుల ముందుకు రానుంది. ఈ నేపథ్యంలో తాజాగా ‘గమనం’ నుంచి సాంగ్‌ ఆఫ్‌ లైఫ్‌ పేరుతో ఓ సరికొత్త పాటను నటుడు నాగచైతన్య విడుదల చేశారు. పాట చాలా బాగుందని.. తప్పకుండా ఈ సినిమా హిట్‌ కావాలని కోరుకుంటున్నట్లు చై తెలిపారు. మాస్ట్రో ఇళయ రాజా అందించిన మ్యూజిక్‌కు కైలాశ్‌ ఖేర్‌ ఆలపించిన పాట ప్రతి ఒక్కరిని ఆకట్టుకొనేలా ఉంది. భావోద్వేగభరితమైన కథాంశాలతో తెరకెక్కిన ‘గమనం’లో శ్రియ దివ్యాంగురాలి పాత్ర పోషించారు. శివ కందుకూరి, ప్రియాంక జువల్కర్‌ కీలకపాత్రలు పోషించారు. క్రియ ఫిల్మ్‌ క్రాప్‌, కాళీ ప్రొడెక్షన్స్‌ సంయుక్తంగా ఈ చిత్రాన్ని నిర్మిస్తున్నాయి.
