సంచలన దర్శకుడు రామ్‌ గోపాల్ వర్మ ‘పవర్ స్టార్’ పేరుతో ఓ సినిమా తీస్తోన్న సంగతి తెలిసిందే. ఈ సినిమా నుంచి ఆయన మరో పోస్టర్‌ను విడుదల చేశాడు వర్మ. ఈ పోస్టర్‌లో కనపడుతున్న పాత్ర నిజజీవితంలో ఎవరినైనా పోలి ఉందా? అని ఆయన ప్రశ్నించారు. ఈ పోస్టర్‌లో పవర్ స్టార్‌కు భక్తుడైన ఓ నిర్మాత కొబ్బరికాయ కొట్టి పట్టుకొస్తున్నట్లు ఉంది.
ఆదివారం సాయంత్రం ఆయన ‘పవర్‌స్టార్‌’చిత్రం నుంచి గడ్డితింటావా అనే పాటను విడుదల చేశారు. ‘గడ్డి తింటావా, తౌడు తింటావా.. నా బుజ్జి గేదెమ్మ నువ్వు కుడితి తాగుతావా..’’ అని వ్యగ్యంగా సాగే ఈ పాటను పవర్‌స్టార్‌ సినిమాలోని ప్రధాన పాత్రధారి ఆలపించినట్లు ఆయన పేర్కొన్నారు. ఈ సినిమాలోని హీరో తన ఫాంహౌస్‌లో తన గేదెలు, చెట్లను ఉద్దేశిస్తూ ఈ పాట పాడినట్లు వర్మ తెలిపాడు. కాగా, ఈ సినిమా విడుదలకు సిద్ధమవుతోంది. ఈ నెల 25న ఈ సినిమాను ఆర్జీవీ వరల్డ్‌ థియేటర్‌లో విడుదల చేస్తానని వర్మ ప్రకటించిన విషయం తెలిసిందే. కాగా జులై 22న ఉదయం 11 గంటలకు ఈ చిత్ర టీజర్‌ విడుదల చేయనున్నట్లు ఆర్జీవీ ప్రకటించారు. అయితే టీజర్‌ చూడాలంటే రూ.25 చెల్లించాలని ఆర్జీవీ నిబంధన పెట్టారు.
POWER STAR – GADDI THINTAVA
ఓటు వేశారు అనుకుంటే వెన్ను పోటు వేశారు 😅 pic.twitter.com/l3Kvr6HcOu— 🎭Yeswanth(యశ్వంత్) 💫 (@yeswanth86) July 19, 2020
