మాస్ మహారాజ రవితేజ హీరోగా నటిస్తున్న తాజా చిత్రం ‘ఖిలాడి’. రమేష్ అవర్మ డైరెక్షన్‌లో తెరకెక్కుతున్న ఈ సినిమాకి ‘ప్లే స్మార్ట్’ అనేది దీనికి ట్యాగ్ లైన్. రవితేజ డ్యూయల్ రోల్ పోషిస్తున్న ఈ యాక్షన్ ఎంటర్టైనర్ లో మీనాక్షి చౌదరి – డింపుల్ హయాతి హీరోయిన్లుగా నటిస్తున్నారు. ఇప్పటికే ఈ సినిమా నుంచి విడుదలైన పాటలన్నీ ప్రేక్షకులను విశేషంగా ఆకట్టుకొని యూట్యూబ్ లో మిలియన్ల వ్యూస్ రాబడుతున్నాయి. ఈ క్రమంలో నేడు రవితేజ పుట్టినరోజు కానుకగా ‘ఫుల్ కిక్కు’ అనే ఊర మాస్ సాంగ్ ని విడుదల చేశారు.
”ఖిలాడి” చిత్రాన్ని జయంతీలాల్ గడ పెన్ స్టూడియోస్ సమర్పణలో హవీష్ ప్రొడక్షన్స్ – ఎ స్టూడియోస్ బ్యానర్స్ పై సత్యనారాయణ కోనేరు నిర్మించారు. ఇందులో యాక్షన్ కింగ్ అర్జున్, ఉన్ని ముకుందన్, అనసూయ, ముఖేష్ రుషి. వెన్నెల కిషోర్, రావు రమేష్, మురళీ శర్మ, నికితిన్ ధీర్, ఠాకూర్ అనూప్ సింగ్, సచిన్ ఖేడేకర్ కీలక పాత్రలు పోషిస్తున్నారు. ప్రపంచ వ్యాప్తంగా 2022 ఫిబ్రవరి 11న ఈ చిత్రాన్ని విడుదల చేయనున్నారు.
