సూపర్‌ స్టార్‌ రజనీకాంత్ హీరోగా నటించిన చిత్రం ‘చంద్రముఖి’. చాలా కాలం క్రితం వచ్చిన ఈ సినిమాకి దర్శకుడు పి.వాసు రూపొందించినసంచలన విజయాన్ని సాధించింది. ఆ సినిమా సీక్వెల్ ను ‘చంద్రముఖి 2’ పేరుతో లారెన్స్ హీరోగా పి.వాసు రూపొందిస్తున్నాడు. ఈ నెల 15వ తేదీ నుంచి ఈ సినిమా రెగ్యులర్ షూటింగు మొదలైంది. ప్రస్తుతం మైసూర్ లో కొన్ని కీలకమైన సన్నివేశాలను చిత్రీకరిస్తున్నారు. ఈ సినిమాలో ఐదుగురు హీరోయిన్‌గా సందడి చేయనున్నారు. ఆ జాబితాలో లక్ష్మి మీనన్, మంజిమా మోహన్, మహిమ నంబియార్, సృష్టి దాంగే, సుభిక్ష కృష్ణన్ పేర్లు కనిపిస్తున్నాయి. ఆల్రెడీ అంతా షూటింగులో జాయిన్ అయ్యారు.
అయితే ఈ ఐదుగురిలో అసలు ‘చంద్రముఖి’ ఎవరనేది ఆసక్తికరంగా మారింది. మేకర్స్ ఆ విషయాన్ని గోప్యంగానే ఉంచుతున్నారు. కీరవాణి సంగీతం అందిస్తున్నారు. లైకా ప్రొడక్షన్స్ వారు నిర్మిస్తున్న ఈ సినిమా విడుదల తేదీని త్వరలోనే ప్రకటించనున్నారు.
