జాతిర‌త్నాలు ఫేమ్‌ అనుదీప్ కేవీ స్టోరీనందిస్తున్న చిత్రం ‘ఫ‌స్ట్ డే ఫ‌స్ట్ షో’. శ్రీకాంత్ రెడ్డి హీరోగా ఎంట్రీ ఈ సినిమాలో.. సంచితా బ‌సు హీరోయిన్‌గా న‌టిస్తోంది. శ్రీజా ఎంటర్ టైన్ మెంట్స్ మిత్ర విందా మూవీస్ బ్యానర్ లపై శ్రీరామ్ ఏడిద సమర్పణలో పూర్ణోదయ మూవీ క్రియేషన్స్ అధినేత ఏడిద నాగేశ్వరరావు మనవరాలు శ్రీజ ఏడిద ఈ సినిమాని నిర్మిస్తున్నారు. ఈ సినిమాతో వంశీధర్ గౌడ్ లక్ష్మీ నారాయణ దర్శకులుగా పరిచయం అవుతున్నారు.
ఇప్ప‌టికే విడుద‌లైన టీజ‌ర్‌కు మంచి స్పంద‌న వ‌స్తోంది. ఈ మూవీ ట్రైలర్‌ని హీరో నేచురల్ స్టార్ నాని బుధవారం విడుదల చేశారు. ఫ‌స్ట్ డే ఫ‌స్ట్ షో చూడ‌క‌పోతే చ‌చ్చిపోతార్రా.. అంటూ త‌నికెళ్ల‌భ‌ర‌ణి త‌న కొడుకును వారిస్తున్న డైలాగ్‌తో మొద‌లైంది ట్రైలర్. రియల్ ఇన్సిడెంట్స్ నేపథ్యంలో సాగే హిలేరియస్ ఎంటర్ టైనర్ ఈ మూవీ వుంటుందని ట్రైలర్ తో స్పష్టమవుతోంది. త్వరలోనే ఈ మూవీని థియేటర్లలో రిలీజ్ చేయబోతున్నారు.
