Nagababu loans from Chiranjeevi Pawan Kalyan:
జనసేన పార్టీ తరఫున ఎమ్మెల్సీ అభ్యర్థిగా నాగబాబు ఇటీవల తన నామినేషన్ దాఖలు చేశారు. ఈ సందర్భంగా సమర్పించిన అఫిడవిట్ లో ఆయన ఆర్థిక స్థితిగతుల గురించి ఆసక్తికరమైన విషయాలు బయటపడ్డాయి.
నాగబాబు అసలు పేరు కొణిదెల నాగేంద్రరావు అని ఈ అఫిడవిట్ ద్వారా తెలిసింది. అలాగే ఆయన తన అన్న చిరంజీవి మరియు తమ్ముడు పవన్ కళ్యాణ్ వద్ద నుంచి అప్పులు తీసుకున్నట్లు వెల్లడించారు. చిరంజీవి వద్ద నుంచి రూ. 28.48 లక్షలు, పవన్ కళ్యాణ్ వద్ద నుంచి రూ. 6.90 లక్షలు అప్పుగా తీసుకున్నట్లు తెలిపారు.
అలాగే నాగబాబు రెండు బ్యాంకుల ద్వారా రూ. 56.97 లక్షల హోం లోన్, రూ. 7.54 లక్షల కార్ లోన్ ఉన్నట్లు పేర్కొన్నారు. అంతేకాకుండా ఇతర వ్యక్తులు, సంస్థల వద్ద నుంచి కూడా మొత్తం రూ. 1.64 కోట్ల అప్పు ఉన్నట్లు వివరించారు.
నాగబాబు వద్ద చలరాసుల రూపంలో రూ. 59.12 కోట్ల ఆస్తులు ఉన్నాయని, స్థిర ఆస్తుల రూపంలో రూ. 11 కోట్ల విలువైన ఆస్తులు ఉన్నాయని వెల్లడించారు. ఆయన వద్ద రూ. 55.37 కోట్ల విలువైన మ్యూచువల్ ఫండ్స్ మరియు బాండ్స్ ఉన్నాయి. చేతిలో నగదు రూపంలో రూ. 21.81 లక్షలు మరియు బ్యాంక్ ఖాతాలో మరో రూ. 23.53 లక్షలు ఉన్నట్లు వివరించారు.
నాగబాబు ఇతరులకు రూ. 1.3 కోట్ల మేర రుణాలు ఇచ్చినట్లు కూడా తెలిపారు. ఆయన వద్ద రూ. 67.28 లక్షల విలువైన బెన్జ్ కార్, రూ. 11.04 లక్షల విలువైన హ్యుందాయ్ కార్ ఉన్నాయి. అదనంగా రూ. 18.10 లక్షల విలువైన 226 గ్రాముల బంగారం, రూ. 16.50 లక్షల విలువైన 55 క్యారెట్ డైమండ్లు, రూ. 57.99 లక్షల విలువైన 724 గ్రాముల బంగారం, రూ. 21.40 లక్షల విలువైన 20 కిలోల వెండి ఉన్నట్లు వెల్లడించారు.
ఈ అఫిడవిట్ ద్వారా నాగబాబు తన ఆర్థిక పరిస్థితిని పూర్తిగా వెల్లడించడం ఆసక్తిని రేపుతోంది.
