GOAT Spark Song:
ఈ మధ్యనే నాగచైతన్య హీరోగా నటించిన దూత వెబ్ సిరీస్ కి దర్శకత్వం వహించిన వెంకట్ ప్రభు దర్శకత్వంలో.. తలపతి విజయ్ హీరోగా నటిస్తున్న సినిమా గోట్ (GOAT). అంటే గ్రేటెస్ట్ ఆఫ్ ఆల్ టైమ్ అని అర్థం. తెలుగు ప్రేక్షకులను పక్కన పెడితే విజయ్ తమిళ్ లో చాలా పెద్ద స్టార్ హీరో. చిత్ర డైరెక్టర్ వెంకట్ ప్రభు కూడా తమిళ్లో మంచి పేరున్న డైరెక్టర్.
స్టార్ బ్యూటీ మీనాక్షి చౌదరి ఈ సినిమాలో హీరోయిన్గా కనిపిస్తోంది. ఈ నేపథ్యంలో సినిమాపై అంచనాలు భారీగానే ఉన్నాయి. కానీ ఈ సినిమా విషయంలో మాత్రం ఏదీ పెద్దగా వర్కౌట్ అవ్వట్లేదని చెప్పుకోవచ్చు. చిత్ర బృందం సినిమా మీద ఎంత హైప్ తీసుకోవద్దామని ప్రయత్నిస్తున్నా కూడా.. అవన్నీ బూడిదలో పోసిన పన్నీరు అవుతున్నాయి.
ఇక ఈ మధ్యనే సినిమా నుంచి విడుదలైన మూడవ పాట స్పార్క్. ఈ పాటతో ఫ్యాన్స్ చాలా కాన్ఫిడెంట్ గా ఉండేవాళ్ళు. పాట విడుదల అయ్యాక మాత్రం.. రికార్డులు వచ్చాయి కానీ మంచి పాటగా కాదు. ఇంతకంటే చెత్త పాట ఉండదు అంటూ చాలామంది కామెంట్లు చేస్తున్నారు. పాట ఆ విషయంలో ఏదీ ఫాన్స్ కి కూడా నచ్చలేదు.
మొదటగా విజయ్ లుక్ అసలు బాగాలేదు అని ఫ్యాన్స్ కూడా అభిప్రాయపడుతున్నారు. మరోవైపు ఈ పాట మ్యూజిక్ కూడా చాలా స్లోగా ఉంది అని, కొన్ని పాటలు వినగా వినగా బాగుంటాయి కానీ ఇది మాత్రం అలా లేదు అని కామెంట్స్ చేస్తున్నారు.
అన్నిటికంటే ముఖ్యంగా విజయ్ డాన్స్ పెద్ద ట్రోల్ మెటీరియల్ లాగా మారిపోయింది. మరోవైపు కీర్తి సురేష్ కూడా చిరంజీవి కంటే విజయ్ బాగా డాన్స్ చేస్తాడు అని ఒక ఇంటర్వ్యూలో చెప్పింది. దీంతో ఇదేనా మీరు చెప్పిన డ్యాన్స్ అంటూ ఆమెను కూడా ట్యాగ్ చేసి మరి ట్రోల్ చేస్తున్నారు.
పాటలో అసలు ఎనర్జీనే లేదు అని.. ఇలాంటి పాటలు సినిమా మీద బజ్ పెంచడం పక్కన పెడితే తగ్గించేస్తాయి అంటూ కొందరు కామెంట్స్ చేస్తున్నారు. ఏదేమైనా ఈ సినిమా మీద ఇప్పుడు సోషల్ మీడియా మొత్తం తెగ ట్రోల్స్ వినిపిస్తున్నాయి. సినిమా సెప్టెంబర్ 5న విడుదల అయ్యే సమయానికి అయినా అవి తగ్గుతాయో లేదో చూడాలి.
