Prabhas – Rajinikanth:
సూర్య నటిస్తున్న మోస్ట్ అవైటెడ్ పాన్-ఇండియా సినిమా ‘కంగువ’ నవంబర్ 14న ప్రేక్షకుల ముందుకు రానుంది. ప్రముఖ దర్శకుడు శివ దర్శకత్వం వహించిన ఈ చిత్రం ఒక భారీ బడ్జెట్‌తో రూపొందిన ఫాంటసీ డ్రామా. ఈ చిత్రం ఒకేసారి ఎనిమిది భాషల్లో విడుదల కానుంది.
UV క్రియేషన్స్, స్టూడియో గ్రీన్ సంయుక్తంగా ఈ చిత్రాన్ని నిర్మించారు. ఇటీవల విడుదలైన టీజర్ ప్రేక్షకుల నుంచి మంచి స్పందన అందుకుంది.
చిత్ర యూనిట్ ఈ చిత్రానికి సంబంధించి గ్రాండ్ ఆడియో రిలీజ్ ఈవెంట్ నిర్వహించేందుకు సన్నాహాలు చేస్తోంది. ఈ ఈవెంట్ సినిమా ప్రమోషన్లలో మేజర్ బూస్ట్ అవుతుందని భావిస్తున్నారు. UV క్రియేషన్స్ సంస్థ ప్రభాస్‌తో ఉన్న బలమైన అనుబంధం వల్ల, ఆయనను ఈ ఆడియో ఈవెంట్‌కు ఆహ్వానించే అవకాశం ఉంది.
Superstar Rajinikanth, Prabhas approached as chief guests for #Kanguva Audio Launch Event.
We are waiting confirmations, to proceed to announce the event date.
– Producer KE Gnanavel Raja pic.twitter.com/dMBorxwqQT— Venkatramanan (@VenkatRamanan_) October 14, 2024
అంతేకాదు, దర్శకుడు శివ, సూపర్‌స్టార్ రజనీకాంత్‌తో ‘అన్నాత్తే’ సినిమా సమయంలో ఏర్పరచుకున్న స్నేహం వల్ల రజనీకాంత్‌ను కూడా ఈ వేడుకకు రప్పించాలనే ఆలోచన ఉందట. ఒకవేళ ప్రభాస్ మరియు రజనీకాంత్ ఒకే స్టేజ్ పంచుకుంటే, అభిమానులకైతే అది పండుగనే చెప్పాలి.
ఈ చిత్రానికి సంగీతం అందించినది రాక్‌స్టార్ దేవి శ్రీ ప్రసాద్. సినిమా విశ్లేషకులు ఈ సినిమాకు మంచి టాక్ వస్తే, కేవలం తమిళ్ మార్కెట్‌లోనే కాకుండా తెలుగు రాష్ట్రాల్లో కూడా భారీ కలెక్షన్లు సాధించే అవకాశం ఉందని అంచనా వేస్తున్నారు.
కోలీవుడ్ నుంచి ఇప్పటివరకు ఏ సినిమా కూడా ₹1,000 కోట్ల మార్క్‌ను దాటలేదు. ‘కంగువ’ ఆ మైలురాయిని చేరుతుందా అని ఆసక్తిగా ఎదురుచూస్తున్నారు
Read More: ఏజెంట్ తర్వాత Akhil Akkineni షాకింగ్ మూవీ సెలక్షన్
