Bigg Boss 8 Telugu Winner:
ఇప్పటికే Bigg Boss 8 Telugu ఎనిమిదో సీజన్ చివరిదశకు చేరుకోగా, డిసెంబర్ 15న జరగబోయే గ్రాండ్ ఫినాలే కోసం ప్రేక్షకులు ఎదురు చూస్తున్నారు. ఇంట్లో మిగిలిన ఏడుగురు కంటెస్టెంట్లు — అవినాష్, నిఖిల్, గౌతమ్, ప్రేరణ, నబీల్ అఫ్రిది, విష్ణుప్రియ, రోహిణి — విజేతగా నిలవడానికి పోటీపడుతున్నారు.
ఈ వారం అవినాష్ సురక్షితంగా ఉండగా, మిగతా ఆరుగురు నామినేట్ అయ్యారు. టాప్ 5లోకి వెళ్లే ముందు మరో ఇద్దరు ఎలిమినేట్ కావాల్సి ఉంటుంది.
ప్రస్తుత పరిస్థితుల్లో సోషల్ మీడియాలో గౌతమ్ కృష్ణ పేరు గట్టిగా వినిపిస్తోంది. అభిమానుల మద్దతు సంపాదించుకున్న గౌతమ్, ఈ సీజన్ విజేతగా నిలవవచ్చని అందరూ భావిస్తున్నారు. ముఖ్యంగా X, ఇన్‌స్టాగ్రామ్ వంటి సోషల్ మీడియా ప్లాట్‌ఫారమ్స్‌లో ఆయనకు గట్టి మద్దతు లభిస్తోంది.
గౌతమ్ కృష్ణతో పాటు నిఖిల్, నబీల్ పేర్లు కూడా విజేత రేసులో చర్చకు వచ్చాయి. కానీ, ఫ్యాన్ పోల్స్‌లో గౌతమ్ స్పష్టమైన ఆధిక్యం సాధిస్తున్నాడు.
వైల్డ్‌కార్డ్ కంటెస్టెంట్‌గా హౌస్‌లో అడుగుపెట్టిన గౌతమ్, తన వ్యూహాలతో ప్రత్యేకంగా నిలిచాడు. ప్రిజర్ పరిస్థితుల్లో తానెలా ప్రశాంతంగా ఉండడం, మిగతా కంటెస్టెంట్లతో పోలిస్తే మంచి కంటెంట్ ఎలా అందించాలో చూపించాడు. దీంతో గౌతమ్ నెగ్గేందుకు అర్హుడని ప్రేక్షకులు, ఇండస్ట్రీ వర్గాలు విశ్వసిస్తున్నాయి.
ఇప్పటికే అభిమానుల హృదయాలను గెలుచుకున్న గౌతమ్, ట్రోఫీ కూడా సాధిస్తాడా? లేదా మిగిలిన కంటెస్టెంట్లు ఆఖరి నిమిషంలో ముందుకువస్తారా? ఈ సమాధానం కోసం అందరూ ఆతృతగా ఎదురుచూస్తున్నారు.
