Pushpa 2 Update:
స్టైలిష్ స్టార్ అల్లు అర్జున్ అభిమానులు అందరూ ఆసక్తిగా ఎదురుచూస్తున్న సినిమా పుష్ప 2. సుకుమార్ దర్శకత్వంలో 2021 లో విడుదలైన పుష్ప సినిమాకి సీక్వెల్ గా తెరకెక్కుతున్న ఈ సినిమాపై భారీ అంచనాలు నెలకొన్నాయి. పుష్ప సినిమాతోనే నేషనల్ అవార్డు అందుకున్న బన్నీ ఈ సినిమాతో ఎలాంటి బ్లాక్ బస్టర్ అందుకుంటారు అని అభిమానులు ఇప్పటినుంచి మాట్లాడుకుంటున్నారు.
అయితే ఆగస్టులో విడుదల కావాల్సిన ఈ సినిమాని డిసెంబర్ కి వాయిదా వేసిన సంగతి తెలిసిందే. డిసెంబర్ 6న ఈ సినిమా విడుదలవుతుంది అని చిత్ర బృందం ఇప్పటికే అధికారికంగా ప్రకటించింది. అయితే మరోవైపు అల్లు అర్జున్ మాత్రం సినిమా షూటింగ్ పెండింగ్ లో ఉండగానే తన పాత్ర కోసం పెంచుతున్న గడ్డం మొత్తం తీసేసి కుటుంబంతో ఫారిన్ ట్రిప్ వెళ్ళిన సంగతి తెలిసిందే.
దీంతో డిసెంబర్ కైనా సినిమా వస్తుందా లేదా అంటూ అభిమానులలో సైతం ప్రశ్నలు మొదలయ్యాయి. అయితే ఈ మధ్యనే బన్నీ వాసు అలాంటిదేమీ లేదు అని సినిమా అనుకున్నట్లుగానే విడుదలవుతుంది అని అన్నారు. కానీ సుకుమార్ ఎడిటింగ్ పనులతో బిజీగా ఉండటం వల్ల షూటింగ్ జరగడం లేదు అని స్పష్టం చేశారు. అయితే సినిమా షూటింగ్ ఆగిపోవడానికి మరొక కారణం.. సినిమాలో మెయిన్ విలన్ గా నటించాల్సిన ఫహద్ ఫాసిల్ అని కూడా తెలుస్తోంది. పుష్ప లో రెండవ విలన్ పాత్రలో మలయాళం స్టార్ ఫహద్ ఫాసిల్ అద్భుతమైన నటన కనబరిచారు. రెండవ భాగంలో కూడా మెయిన్ విలన్ గా కనిపించనున్నారు.
అయితే ఫహద్ ఫాసిల్ మీదే ప్రస్తుతానికి సీన్స్ తీయాల్సి ఉందట. కానీ ఫహద్ ఫాసిల్ మాత్రం మలయాళం సినిమాలతో బిజీగా ఉన్నట్లు తెలుస్తోంది. అతని కాల్ షీట్స్ దొరకడం కష్టంగా ఉందట. అందుకే షూటింగ్ పూర్తి అవడం లేదని తెలుస్తోంది.
అయితే ఇంతకుముందే ఫహద్ ఫాసిల్ అనుకున్న దానికంటే ఎక్కువ డేట్లు పుష్ప 2 కోసం కేటాయించారు. కానీ సుకుమార్ మాత్రం వాటిని సరిగ్గా వాడలేకపోయారని.. షూటింగ్ ఇంకా పెండింగ్ లోనే ఉంచేశారు అని వార్తలు వినిపిస్తున్నాయి. ఇప్పుడు మళ్లీ ఫహద్ ఫాసిల్ సినిమా కోసం డేట్లు కేటాయిస్తే సినిమా షూటింగ్ పూర్తి చేయడానికి పుష్ప 2 బృందం ఎదురుచూస్తున్నట్లు తెలుస్తోంది.
