నితిన్ హీరోగా నటిస్తున్న తాజా చిత్రం ‘ఎక్స్‌ట్రా ఆర్డినరీ మ్యాన్‌’. వక్కంతం వంశీ డైరెక్షన్‌లో వస్తున్న ఈ సినిమాలో శ్రీలీల హీరోయిన్‌గా నటిస్తుంది. సీనియర్‌ హీరో రాజశేఖర్‌ కీలక పాత్ర పోషిస్తున్నారు. ఇక షూటింగ్ పూర్తి చేసుకున్న ఈ సినిమా డిసెంబరు 8న ప్రేక్షకుల ముందుకు రానుంది.
ఈ క్ర‌మంలో మేకర్స్ ప్ర‌మోష‌న్స్ మొద‌లుపెట్టారు. ఇప్పటికే ఈ సినిమా నుంచి విడుదల చేసిన టీజ‌ర్‌ ట్రైల‌ర్‌లు అభిమానుల‌ను ఇంప్రెస్ చేస్తున్నాయి. ఇదిలా ఉంటే.. తాజాగా ఈ సినిమా ప్రీ రిలీజ్ వేడుకను పెద్ద ఎత్తున ప్లాన్ చేశారు.
ఈ మూవీకి సంబంధించి నితిన్ ప్ర‌మోష‌న్స్ మొద‌లుపెట్టగా.. ఈ ప్ర‌మోష‌న్స్‌కు ఊహించని స్థాయిలో స్పందన వచ్చింది. దాంతో ప్రీ రిలీజ్ వేడుకను భారీ స్థాయిలో ప్లాన్ చేస్తున్నారు. దానికోసం హైద‌రాబాద్‌ మాదాపూర్‌లోని ఎన్ కన్వెన్షన్‌ను ఎంచుకున్నారు.
డిసెంబ‌ర్ 04 తేదిన సాయంత్రం 6 గంట‌ల నుంచి ఈ ప్రీ రిలీజ్ వేడుక జ‌రుగ‌నుంది. ఇక ఈ ఈవెంట్‌లోనే ‘ఒలే పాపాయి’ అంటూ సాగే మాస్ సాంగ్‌ను మేకర్స్ విడుదల చేయ‌నున్నారు. ఈ చిత్రాన్ని నితిన్ హోం బ్యానర్ శ్రేష్ఠ్‌ మూవీస్‌పై సుధాకర్‌ రెడ్డి నిర్మిస్తున్నారు.
