G2: టాలీవుడ్ యంగ్‌ హీరో అడివి శేష్ న‌టిస్తున్న తాజా చిత్రం ‘జీ 2’. అడివి శేష్ హీరోగా.. శశి కిరణ్ టిక్కా కాంబినేషన్లో వచ్చిన ‘గూఢచారి’కి సీక్వెల్‌గా ఈ సినిమాని తెరకెక్కిస్తున్నారు. వినయ్‌ కుమార్‌ డైరెక్షన్‌లో వస్తున్న ఈ సినిమా షూటింగ్‌ ప్రస్తుతం శ‌ర‌వేగంగా జరుగుతుంది.
కాగా ఈ సినిమాకి సంబంధించిన ఓ ఆసక్తికర వార్త సోషల్‌ మీడియాలో చక్కర్లు కొడుతుంది. ఈ మూవీలో విలన్గా బాలీవుడ్ న‌టుడు ఇమ్రాన్ హష్మీ క‌నిపించ‌బోతున్న‌ట్లు టాక్‌. దీనిపై అధికారిక ప్ర‌క‌ట‌న రావాల్సి ఉంది. ప్రస్తుతం ఇమ్రాన్ హష్మీ పవన్ కళ్యాణ్ ఓజీలో విలన్గా టాలీవుడ్ అరంగేట్రం ఎంట్రీ ఇచ్చాడు.
‘జీ 2’ బాలీవుడ్ న‌టి బ‌నితా సంధు హీరోయిన్‌గా న‌టించ‌నుంది. బ‌నితా సంధు బాలీవుడ్ మూవీ అక్టోబ‌ర్ సినిమాతో హీరోయిన్‌గా ఎంట్రీ ఇచ్చి తొలి సినిమాతోనే మంచి గుర్తింపు తెచ్చుకుంది. తాజాగా ‘జీ2’ సినిమాతో టాలీవుడ్‌లోకి ఎంట్రీ ఇవ్వ‌బోతున్న‌ది.
ఈ సినిమాని పీపుల్స్ మీడియా ఫ్యాక్టరీ, అభిషేక్ అగర్వాల్ ఆర్ట్స్ బ్యాన‌ర్‌ల‌పై టీవీ విశ్వ‌ప్ర‌సాద్‌, అభిషేక్ అగర్వాల్ సంయుక్తంగా నిర్మిస్తున్నారు.
