Elon Musk Net Worth Drop:
ఈ మధ్య ఎలన్ మస్క్ గురించి వార్తలొస్తూనే ఉన్నాయి. కానీ ఈసారి మాత్రం కాస్త షాకింగ్ గానే ఉంది. 2025 ప్రారంభం నుంచే అతని సంపద ఏకంగా 121 బిలియన్ డాలర్లు తగ్గిపోయింది! అయినా, అతను ఇంకా ప్రపంచంలోనే నంబర్ వన్ రిచ్ పర్సన్ గా ఉన్నాడు. ప్రస్తుతం అతని నెట్ వర్త్ 311 బిలియన్ డాలర్లుగా ఉంది – ఎంతైనా భారీగానే ఉంది కదా!
ఇంత పెద్ద నష్టం ఎందుకు వచ్చిందంటే… ప్రధాన కారణం Tesla స్టాక్ లో వచ్చిన భారీ పతనం. మార్కెట్‌లో నెలకొన్న అనిశ్చితి, కంపెనీ ఫ్యూచర్ పై ఇన్వెస్టర్లు ఉక్కిరిబిక్కిరై షేర్లు అమ్మేస్తున్నారు. మూడురోజుల కిందటే టాప్ 10 బిలియనీర్లు కలిపి 172 బిలియన్ డాలర్లు పోగొట్టుకున్నారు. అందులో మస్క్ ఒక్కడే 35 బిలియన్ లాస్‌లో ఉన్నాడు!
మస్క్ సంపదలో చాలా భాగం Tesla, SpaceX లాంటి కంపెనీల్లోని షేర్లే. అంతే కాదు, ఇటీవల రాజకీయాల్లో ఆయన మోజు పెరిగిపోవడం కూడా ఇన్వెస్టర్లకు టెన్షన్ తెస్తోంది. డొనాల్డ్ ట్రంప్‌తో సంబంధాలు, ఫెడరల్ గవర్నమెంట్‌తో క్లోజ్ గాయిన్స్ వంటివి మస్క్‌ని Tesla పనులనుండి డైవర్ట్ చేస్తున్నాయన్న టాక్ ఉంది.
ఇక Tesla ఫ్యాక్టరీల దగ్గర జరిగిన వాండలిజం, షూటింగ్‌ల గురించి కూడా వార్తలు వస్తున్నాయి. ఇవన్నీ మస్క్‌కి ప్రతికూలంగా మారుతున్నాయి. అందుకే షేరు విలువలు ఇంకా పడిపోతున్నాయి.
ఇంతలో బిజినెస్ రంగంలో మస్క్ పోరాటం కొనసాగుతుండగా, అభిమానులు మాత్రం అతను తిరిగి రైజ్ అవుతాడని నమ్మకంగా ఉన్నారు. మనం చూడాల్సింది ఏంటంటే – మస్క్ దూకుడుగా మళ్ళీ ట్రాక్‌లోకి వస్తాడా లేదా అనేది చూడాలి.
