Eagle: మాస్‌ మహారాజ రవితేజ బర్త్‌డే ఈ రోజు. ఈ సందర్భంగా ఆయన హీరోగా నటిస్తున్న ‘ఈగల్‌’ టీమ్‌ రవితేజ పుట్టినరోజు సందర్భంగా శుభాకాంక్షలు తెలియజేస్తూ.. మూడో సాంగ్ ను విడుదల చేశారు. ఈ పాటను జార్జినా మాథ్యూ స్వయంగా రాసి పాడారు. కార్తీక్‌ ఘట్టమనేని డైరెక్షన్‌లో వస్తున్న ఈ సినిమాలో అనుపమ పరమేశ్వరన్‌, కావ్య థాపర్ హీరోయిన్లుగా నటిస్తున్నారు.
నవదీప్‌, శ్రీనివాస్ అవసరాల, మధుబాల కీలక పాత్రల్లో నటిస్తున్నారు. ఈ చిత్రాన్ని 2024 ఫిబ్రవరి 9న ప్రపంచవ్యాప్తంగా గ్రాండ్‌గా విడుదల చేస్తున్నట్టు మేకర్స్ ఇప్పటికే ప్రకటించారని తెలిసిందే. ఇప్పటికే ఈ సినిమా నుండి విడుదలైన పోస్టర్లు, స్టైలిష్ లుక్, ట్రైలర్‌ అప్‌డేట్ లుక్ సోషల్ మీడియాలో హల్‌ చల్‌ చేస్తున్నాయి.
ఈ సినిమాలో రవితేజ లాంగ్ హెయిర్‌, గడ్డంతో బ్లాక్ స్టైలిష్ గాగుల్స్ తో మోడ్రన్ గన్స్ న్యూలుక్‌లో కనిపిస్తున్నాడు. పీపుల్ మీడియా ఫ్యాక్టరీ బ్యానర్‌పై టీజీ విశ్వప్రసాద్‌ నిర్మిస్తున్న ఈ మూవీకి డవ్‌ జంద్‌ మ్యూజిక్, బ్యాక్ గ్రౌండ్ స్కోర్‌ అందిస్తున్నారు.
